Mouze

Walon (Rifondou)

Etimolodjeye

Tayon-bodje gayel «  mus  » (u « moz ») (frexhe plaece), pal voye do tayon-bodje latén « Mosa » (minme sinse).

Prononçaedje

• AFE :
  • diferins prononçaedjes : /muːs/ /myːs/ /muːz/
  • prononçaedje zero-cnoxheu : /muːs/
• Ricepeures : nén rcepåve

No prôpe

Mouze femrin (sins årtike)

1. (no d’ aiwe) longue aiwe ki prind sourd e l' France, pu vni bagnî l' Walonreye pu l' Holande po s' radjonde å Rén et s' aler egoler el Mer do Nôr.
   • Il a falou ratinde les prumîs djoûs d' måss po vey les prumîs senes di rlignaedje, çou k' a amoenné di l' enaiwaedje pattavå, et des grossès aiwes so Houye et so Mouze — Michel Piette (fråze rifondowe).
   • L' aiwe di Mouze est tote maxheye — Motî Haust, a «mahî» (fråze rifondowe).
   • Et, cwand del shijhe on bea feu d' artifice
     Fjheut blawter Mouze å Paradis des Tchvås,
     Ene bele noere tiesse avou l' vizaedje wainisse
     Aveut po djîsse on blanc lét d' ospitå
     — Louis Lagauche, "Li ptit hierdî" (1926), p. 109 (fråze rifondowe).

• 
  Mouze a Nameur.

Ratourneures

1. Mouze et les vås
2. c' est nén lu k' a pixhî Mouze
3. bate Mouze
4. n’ aveur nén pus fwin ki Mouze n’ a soe
5. Mouze vént todi rcweri ses oxheas l' aiwe vént todi rprinde çou k' ele a tapé sol rivaedje; dijhêye po ene sakî ki rprind çou k' il a dné. Franwal: ahåyant po: "donner c'est donner, reprendre, c'est voler".
6. c' est ene gote d' aiwe e Mouze ci n' est nén grand-tchoi. Franwal: ahåyant po: "c'est une goute d'eau dans l'océan".
7. èn pont trover d' aiwe e Mouze : esse biesse come ses pates.
8. va s' tchire e Mouze, on voerè t' cou (måhonteuzmint) dihjêye po-z evoyî ene sakî å diåle.
9. cwand les strons åront d' l' esprit, Mouze pasrè a Paris dijhêye po balter on boirgnasse.
10. s' i s' tapreut-st e Mouze, i n' si neyreut nén il a bråmint del tchance. Franwal: ahåyant po: "Il crève de chance".

Parintaedje

• moziner, mozinaedje, mozinter
• mozliner
• mozter
• mouzlî, mouzleu
• mouze (o.n.; pa stindaedje di sinse di "Mouze" tot wårdant l' djinre do francès "fleuve")
• Mozale

Mots d’ aplacaedje

• Eter-Sambe-et-Mouze
• Cronmouze

Ortografeyes

Divant 1900 :

• Moûss : E184

Après 1900, foû rfondou (Feller, Feller ricandjî, nén Feller) :

• Miœse : C8
• Moûse : C8, E1
• Mûze : S117

E rfondou walon :

• Mouze : R10 ^(lére), R13

Ratournaedjes

Mouze

• Almand : Maas ^(de)
• Inglès : Meuse ^(en)
• Espagnol : Mosa ^(es)
• Francès : Meuse ^(fr)
• Neyerlandès : Maas ^(nl)

Waitîz eto

Lijhoz l’ årtike Mouze so Wikipedia