Wiccionaire:Sicrijhas do 20e sieke

Èn årtike di Wiccionaire.

Pådje po-z espliker les scrijhas do 20e sieke, riprins dins l' tåvlea «Ortografeye»

Å cmince do 20e sieke, li Sistinme Feller a stî tchoezi pal Societé d' Langues po scrire tos les accints do walon. Mins tos les scrijheus n' ont nén shuvou. Adonpwis des rlomêyès soces ont candjî toplin des ponts do mwaisse sistinme Feller, tot rclamant scrire e Feller. Ça a fwait totes sôres di ptits djonnes come li Feller-Léonard (scrijhas "au", "en", "aî", pont sol roye), li Feller-Remacle (pont sol roye), li Feller-Mouchon-d'aunia (scrijha îⁿ), li Feller-ALWAC (scrijha -ér pol cawete -er), li Feller-Mouzon-Pierret (scrijha ö), li Feller-Sauverdia (scrijha ë = /ə/), li Feller-Gaziaux (scrijhas e̊ = /ə/, ē = /ɛː~ɛ̃/), li Feller-Gilliard (scrijha ë = /ɛː~ɛ̃/), et hay vos nd åroz.

Avou ça ki sacwants scrijheus ou diccionairîs (E165, E167, E213, S109, S117) n' ont nén tnou conte di mwaisse ponts do sistinme Feller, mins sins s' diclårer «sistinme Feller».

Ces scrijhas la do 20e sieke ni plént nén esse metous come «scrijhas di dvant Feller»". C' est po çoula k' on-z a tchoezi di rashonner tos les scrijhas do 20e sieke (et do 21e sieke foû do rfondou) dins ene minme pårteye do tåvlea des ortografeyes.