bocå

Walon (Rifondou)

Etimolodjeye

Bodje « boke », avou l’ cawete « -å ».

Sustantif

singulî	pluriyal
bocå	bocås

bocå omrin

1. tupin d’ veule, avou ene coviete, k’ on-z î wåde di l’ amagnî (confiteure, rolmope).
2. amagnî k’ on-z a metou e consieve divins.
   • I fåt magnî les bocå d’ poere.
3. pot u tube di veule k’ on s’ endè sieve dins les labos.
   • C’ est èn awatron di l’ åbe del syince k’ a vnou å monde dins on bocå. — Albert Maquet (fråze rifondowe).
4. trô dins ene håye wice k' on pout s' winner.
   • Li bocå s’ tape å lådje : c’ est les feneus, li fotche et l’ rustea so li spale — Henri Simon, "Fènå-meûs" (1907) (fråze rifondowe).
   • A R’moutchamp, i n’s’astårdja nin à louquî les loum’rotes des djîses si distinde l’eune après l’ôte; i n’tusa nin minme dè r’lèver ses moussètes ås bocås des håyes, ni dè rassètchî l’cotrê qui tapév ås êrs dè djoû, è corant d’l’ Ambléve— Joseph Mignolet, Li payis des soteas (1926), p.41.
   • N’èst-ce nou toûrmint, çoula, dè k’hiyî s’rôbe di sôye
     Tot passant pol bocå d’ine håye?… Ah ! si m’papa
     Sét måy qui dj’a fêt dès parèy’s djeûs…
     — Émile Wiket, Fruzions d' cour, p.103.

Sinonimeye

• wek
• (trô dins ene håye wice k' on pout s' winner) : spotcha

Mots vijhéns

• esprouvete
• påpåd-bocå

Omofoneye

• bocåd

Ratournaedjes

tupin d’ veule

• Francès : bocal ^(fr)

consieve

• Francès : conserve ^(fr)

trô dins ene håye wice k' on s' pout winner

• Francès : trou, endroit clairsemé dans une haie où on peut se faufiler (nén ratournåve direk e francès)