coucou

Èn årtike di Wiccionaire.

Walon (Rifondou)[candjî]

Etimolodjeye[candjî]

Tayon-bodje latén « cuculus » (minme oujhea), d’ on mot-brut (xhinaedje do cri d’ l’ oujhea).

Prononçaedje[candjî]

Mot-fråze[candjî]

coucou (nén candjåve)

  1. po mostrer k’ on est la, a ene djin ki n’ vos voet nén.
    • Coucou, c’ est mi.
  2. po dire « årvey ».
    • Po travayî l’ pire di Gobtindje,
      Fåt bén ndaler disk’ a Mélin
      Et n’ nén esse on mitan d’ boket d’ mantche,
      Ôtmint, coucou, evoye a Bôvetchén — tchanté pa Wiyam Dunker.

Sinonimeye[candjî]

Sustantif[candjî]

singulî pluriyal
coucou coucous

coucou omrin

  1. (oujhea) gros oujhea ki vént ponre ses oûs dins l’ ni des ôtes oujheas, ki l’ sincieus no, c’ est : Cuculus canorus.
    • Sol tins kel pôve coucou brait deus notes sins façon, Li måvi djowe del flûte et l’ djonne tcherdin tchaftêye Martin Lejeune (fråze rifondowe).
    • E montant so Rnuveye, il ont rescontré l’ curé k’ aléve so Grintchamp ; les grins estént disfloris, et l’ coucou s’ aveut tai Rodolphe Dedoyard (fråze rifondowe).
    • Sins fé nole foice, leyîz vs emoenner e cråmignon des oujheas ; seroz-st ebouxhtés do bouket d’ leus tchants : fåbites, tcherdins, mazindjes, sizets, lignroûs, måvis, ålouwètes et toûtrales, vis front-st etinde li pus bea des operås, ki n’ finixhrè k’ al vesprêye, so les bassès notes do coucou, et l’ glawzinaedje, sins parey, do djinti råskignoû Léon Bukens (fråze rifondowe).
    • Li coucou fwait petoye des fraijhes des bwès ; mins a foice d’ endè magnî, i n’ sait pus tchanter Louis Lagauche (fråze rifondowe).
  2. (plante) sôre di trimblene, ki l’ sincieus no, c’ est : Trifolium spp.
    • Å moes d’ awousse, c’ esteut l’ toû do frumint, di l’ avoenne, et des favetes, po fini e moes d’ setimbe pal triyanele, l’ incarnå, li djaene coucou, les waeyéns et l’ sinfour Maurice Georges (fråze rifondowe).
    • I pinse foirt sovint ås deus tchivroûs k’ adschindèt les shijhes e Pré al Rogne po s’ fôrer d’ blanc coucou, di djaene coirvesse, di pates-di-tchet ou d’ raigra Serge Fontaine (fråze rifondowe).
  3. ome ki s’ feme coûtche avou èn ôte.
    • Dji n’ sai si vs estoz wiyinme, mins ça tådjrè pus waire.
      Coucou, mi ? end aléve-t i. Sereut ç’ Bon Diu possibe ? Jean-Pierre Dumont (fråze rifondowe).
    • I voleut cnoxhe mi feye ! Lu ki n’ s’ a måy fwait nou må d’ tiesse por leye, lu ki m’ aveut dit, cwand il a sepou k’ dji ratindeu, ki dj’ n’ aveû k’ a m’ saetchî foû marimince tote seule, lu ki m’ aveut leyî la come ene pôve abandnêye, vola k’ i voleut cnoxhe mi feye, lu ki s’ a cdût come on coucou Guy Belleflamme (fråze rifondowe).
  4. ôrlodje avou èn oujhea ki rexhe po dire l’ eure.
    • Po n’ nén fé do brut, il a ddja tiré ses solés sol soû et i n’ aloume nén ; vla djusse li coucou ki soune troes eures ; Constant s’ arestêye, rît tot seu dins s’ vinte e sondjant : dji dirè bén come l’ ôte, on l’ sait bén k’ il est ene eure, ti n’ as nén dandjî del dire troes côps ! Émile Pècheur (fråze rifondowe).

Ratourneures[candjî]

  1. djalot come li coucou, djalot come on coucou
  2. setch come on coucou
  3. i gn a pont d’ prumî d’ avri ki l’ coucou nel dit ; i gn a pont d’ dijh d’ avri ki l’ coucou nel dit
  4. les Coucous : sipotaedje des djins di Lorci.

Mots d’ aplacaedje[candjî]

Fås amisse[candjî]

E francès, li coucou, come plante, c’ est l’ bråye-di-tchet.

Ortografeyes[candjî]

Après 1900, foû rfondou (Feller, Feller ricandjî, nén Feller) :

Ratournaedjes[candjî]

oujhea

Waitîz eto[candjî]

Lijhoz l’ årtike coucou (discramiaedje) so Wikipedia.

Francès[candjî]

Sustantif[candjî]

singulî pluriyal
coucou coucous

coucou femrin

  1. (oujhea) coucou (mot scrît eyet prononcî e francès come e walon)
  2. (plante) bråye-di-tchet.