craeye

Èn årtike di Wiktionary.

Ådvins 1 Walon 1.1 Etimolodjeye et tcherpetaedje 1.2 Prononçaedje 1.3 Sustantif 1.3.1 Ratourneures 1.3.2 Parintaedje 1.3.3 Sinonimeye 1.3.4 Omofoneye possibe 1.3.5 Ratournaedjes 1.3.6 Sourdants

[candjî] Walon

[candjî] Etimolodjeye et tcherpetaedje

Latén "craticula" (glindisse) (FEW 2, 1290b)

[candjî] Prononçaedje

Mwaisse prononçaedje : / kʀɛj /

Ôtes prononçaedjes : kʀaj, kʀaːj, kʀɛːj, kʀɔːj

[candjî] Sustantif

craeye : f

plaece k' est ene miete drovowe, so ene grande longueur, et k' ene sacwè î pout passer, aprume :

1. trô dins ene plate sitindêye.

   Gn av' on rai d' solea ki moussive e gurnî pa ene craeye do toet.

   I passe on rai d' solea pal craeye di l' ouxh di ståve (Motî del Fagne et del Tieraxhe).

   Li bouneur brotche pa totes les craeyes di nosse bea paradis (F. Barry).

   Å cmince, il a cachî d' raclapoter çou k' i poleut: il a muchyî les craeyes des meurs avou des imådjes (B. Genaux )

   Ça aveut clatchî come on côp d' tonoere, et les sûnes avént apassé pa totes les craeyes (R. Arcq).

   L' aiwe sititche pa totes les craeyes Gn a pattavå a dikedaye (P. Maudoux).

   Ene grosse estouve ki rfole pa totes ses craeyes (L. Lecomte).

2. adroveure d' èn ouxh, ene finiesse.

   Leyîz ene craeye a l' ouxh; i fwait stofant, cial !

   El feu djômeye : leyîz ene craeye a l' ouxh po k' i rprinde (Motî del Fagne et del Tieraxhe).

   On-z etind l' vint brouyî pa l' craeye di l' ouxh.

   Dji l' a waitî pa ene craeye di l' ouxh (Motî d' El Lovire).

   Li tchet fwait ene craeye a l' ouxh et fritchter evoye (J. Pannaye).

3. (måhonteuzmint) mozete d' ene comere.

[candjî] Ratourneures

>> drovi a craeye: djusse drovi ene miete; on dit eto : adrovi

>> waitî ås craeyes: waitî ene sakî pa on ptit trô, et k' ele ni vos voet nén; on dit eto : awaitî, båker

>> al måjhon d' on moirt, gn a todi ene craeye: a) divinltins, on leyive todi l' ouxh å lådje la k' gn aveut on moirt; b) (po s' fote) dijhêye a onk k' a s' brayete å lådje.

[candjî] Parintaedje

• craeyete
• craeyire
• craeyêye
• craeyeure
• craeyele
• craeyî
• craeylé
• discraeyî

[candjî] Sinonimeye

(finte dins ene plate sitindêye)

• creveure
• bîleure (bwès)
• finte (bwès, pire), findeure
• crin, kernaxhe, skerlaxhe
• creneure
• schavleure
• xhiyeure

(adroveure a l' ouxh, al fignesse)

• creveure

(seke del comere)

• mozete
• kene, canou, conete, conin
• mosse

[candjî] Omofoneye possibe

• croye

[candjî] Ratournaedjes

(finte) Francès fente, fissure, crevasse, lézarde, anfractuosité; (adrovaedje d' èn ouxh) Francès entrebâillement, encoignure; waitî ås craeyes : épier; drovi a craeye : entrouvrir, entrebâiller; (seke del comere) Francès fente génitale, vulve, con, vagin, con.

[candjî] Sourdants

• crèye : E1, S0, S117, FE4 a "fente"
• craye : C1, C99, C106, O0, FE4 a "fente"
• crêye : S0
• crâye : S0, O0, O3, O100
• kráy : G150 p. 385
• crauye : S17 p. 149
• cråye : S117, FE1 a "fente"
• kròy : G150 p. 385

Si vos irîz rnaxhî dins des ôtes motîs, et trover l' mot "craeye", riherez ciddé li scrijha do mot ki vos î avoz trové, et l' rahouca do motî el djivêye, nén dins E203, E212, E213, E34, S25, S41