cweki

Walon (Rifondou)

Alofômes

Plinne cogne	Spotcheye cogne
cweki	cwek’

Etimolodjeye

Aplacaedje di : "cwè" + "ki"

Prononçaedje

• AFE :
  • diferins prononçaedjes : /kwɛki/ /kwɛky/ /kwɛkɛ/ /kwɛkœ/ /kwaki/ /kwaky/ /kwakœ/
  • prononçaedje zero-cnoxheu : /kwɛki/

Aloyrece

cweki (nén candjåve) (rålmint eployî)

1. mågré ki.
   • Cwek' i soeye pôve, il est bråve — Motî Forir (fråze rifondowe).
   • Cweki dji n' aveu rén dit, c' est mi k' a yeu l' dossêye — Motî d’ Nivele (fråze rifondowe).
   • Dji lyi dirè, cwek' avou lu, i gn a rén a lyi fé intrer dins l' tiesse — Motî d’ Bastogne (fråze rifondowe).
   • Cwek' on lyi euxhe bén fwait, i n' irè pus — Motî Gilliard (fråze rifondowe).
2. mågré k' il est (divant èn addjectif ou èn adviebe).
   • Cwek' malåde, il a volou pårti — Motî Forir (fråze rifondowe).
3. (al fén d' ene fråze, sins mete di fråzlete padrî) mostere k' on pôreut disdire so çou k' on-z a anoncî dvant.
   • Dji n' a waire li tins po vs ratourner tot çoula e francès... cweki... — José Schoovaerts (fråze rifondowe).
   • Il a l' air k' i cnoxhe si ovraedje... cweki...

Ratourneures

1. cwè k' ça : mågré tot.
   • I ploût k' araedje; nos nd irans, cwek' ça — Motî Haust (fråze rifondowe).

Mots d’ aplacaedje

cwek' ça

Sinonimeye

• mågré ki
• tot ki

Omofoneye possibe

• cwè ki (çou ki, tolminme ké sacwè ki)

Ortografeyes

Divant 1900 :

• koiki / koik : E203 ^(lére)

Après 1900, foû rfondou (Feller, Feller ricandjî, nén Feller) :

• cwèki / cwèk' : E1
• kwèkè : O4
• cwèkè : FO2 (a "quoique")
• qwèqui : C1, C99
• qwèqui / qwèqu' : E1
• cwèku / cwèk' : S0
• cwè ki : C106
• qwèque / qwèqu' : E170

E rfondou walon :

• cweki / cwek' : R10 ^(lére)

Li mot n’ est nén dins : R13

Ratournaedjes

mågré ki, avou ene fråzlete padrî

• Inglès : though ^(en), although ^(en)
• Francès : quoique ^(fr), bien que ^(fr)
• Neyerlandès : hoewel ^(nl), alhoewel ^(nl), ofschoon ^(nl)

mågré ki, sins fråzlete padrî

• Inglès : mind you ^(en)
• Francès : quoique ^(fr), encore que ^(fr)