divintrinnmint

Walon (Rifondou)

Alofômes di d(i)-

Plinne cogne	Sipotcheye cogne
divintrinnmint	dvintrinnmint

Etimolodjeye

Bodje « divintrin », avou l’ cawete « -mint », çou ki dene on mot avou l’ dobe cawete « -rinnmint ».

Prononçaedje

• AFE :
  • diferins prononçaedjes : /di.vɛ̃.tʀɛ̃.mɛ̃/ /dy.vɛː.tʀɛː.mɛ̃/
  • prononçaedje zero-cnoxheu : /di.vɛ̃.tʀɛ̃.mɛ̃/
• Ricepeures : di·vin·trinn·mint

Adviebe

divintrinnmint (nén candjåve)

1. divins lu-minme.
   • Rire do gros des dints, c’ est sorire droldimint tot estant mwais divintrinnmint.
   • Divintrinnmint, dji m’ dijheu : « Valeut bén les poennes di m’ aveur consyî do mete mi casse si c’ est po m’ evoyî rider… so m’ cou ! » — Yvonne Gendarme.
   • Divintrinnmint ene grande påjhûlisté, k’ on n’ såreut dire ni cwè, ni come, vos ewalpêye. — Jean-Pierre Dumont.
   • Sara s’ meta a rire divintrinnmint : « Alouwêye come djel so », dit-st ele, « est çki dj’ såreu co aveur bon ? Et mi ome, don ! C’ est ene viye djin ! » — Lorint Hendschel, Li Djneze (ratournaedje).
   • Li pretins do teyåte walon, c’ est l’ fén del såjhon mins ki poite divintrinnmint çou ki va soude do tins del novele. — Guy Fontaine.
   • Divintrinnmint, ele ni rboute nouk di ses hanteus. Ni les purisses, ni les ôtes. — François Nyns.
   • Tot passant dlé l' Vete Houmresse, Djan tapa-st on côp d' ouy di rgret viè les toneas ahoplés å coron del såle et s' djaloza t i dvintrinnmint les candes — tcherons, martchands, payizans — k' estént-st ashiowes e ceke d' ôr ki l' feu markéve so les tûleas di l' aisse — Joseph Mignolet, "Vé l’loumîre" (1922) (fråze rifondowe).

Sinonimeye

• ådvins
• dins lu-minme
• inte di lu-minme

Contråve

• difoûtrinnmint

Ortografeyes

Divant 1900 :

• d’vintrennmin : (diviè 1733)
• podven trendmen : (1620)

Après 1900, foû rfondou (Feller, Feller ricandjî, nén Feller) :

• duvintrênemint : E34
• divintrinn'mint : E1

E rfondou walon :

• divintrinnmint : R13

Sipårdaedje do mot

w. do Levant

Ratournaedjes

dins lu-minme, tot djåzant d’ ene djin

• Inglès : innerly ^(en), inside ^(en), inwardly ^(en), internaly ^(en)
• Francès : intérieurement ^(fr), intrinsèquement ^(fr)

dins lu-minme, tot djåzant d’ èn etrevén

• Inglès : intrinsically ^(en)
• Francès : intrinsèquement ^(fr)