eburtaker

Walon (Rifondou)

Etimolodjeye

Bodje « burtake- » ‎(« berteke »), avou l’ betchete « e- » d’ ecloyaedje des viebes, avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /ɛ.byʀ.ta.ˈke/ (waitîz cial ådzo e hagnon «ortografeye»)
  • prononçaedje zero-cnoxheu : /ɛ.byʀ.ta.ˈke/
• Ricepeures : ebur·ta·ker

Viebe

eburtaker (1^ire troke) (codjowaedje)

1. (viebe å coplemint) (vî vî mot) mete (on codåné) ås fiers el berteke.
2. (viebe å coplemint) (må) adjinçner, (må) basti.
   • Les schafioteus d’ tcherpetîs ont må eburtaké leu contrupwès — Motî del Lovire (fråze rifondowe).
3. (viebe å coplemint) må moussî, d’ ene drole di manire.
   • Il est eburtaké come on wache-foû — Motî d’ Nivele (fråze rifondowe).
   • Waitîz comint çk’ il ont eburtaké ç’ djonne la !
4. (viebe å coplemint) rastrinde li plaece, tot djåzant di gros cayets, di vîs canteas.
   • Dji so tote eburtakêye avou tos ces cayets la — Motî d’ Bastogne (fråze rifondowe).
5. ecramyî.
   • El tchén m’ aveut eburtaké dins s’ tchinne — Motî Bal-Germain (fråze rifondowe).
   • Li Bon Diu eburtake voltî ses voyes — José Schoovaerts, novele (fråze rifondowe).
6. emantchî (haper des cwårs pa on trompeu martchî).
7. fé èn efant (del gåtche mwin) a.
   • Li feye do tchårlî s’ a leyî eburtaker — Léon Pirsoul (fråze rifondowe).
   • Il est tot djusse bon po-z eburtaker s’ feme et boere ses gotes — Motî d’ Cînè (fråze rifondowe).
8. hoder, soyî les coisses tot dmandant todi l’ minme sôre.
   • I m’ vént eburtaker tos les djoûs po ki dj’ lyi atchete ses sicafs.
9. (viebe å prono) : Loukîz a : « s’ eburtaker ».

Parintaedje

• eburtacaedje
• eburtakelreye

Sinonimeye

• (mete ås fiers) efirdjî
• (må adjinçner) : abocter, edjéndjoler

Mots vijhéns

(rastrinde li plaece)

• ehaler

(emantchî)

• egayoler
• epotiker

(hoder)

• taener
• tijhner

Sipårdaedje do mot

w. do Coûtchant, w. do Mitan, Basse Årdene

Ortografeyes

Après 1900, foû rfondou (Feller, Feller ricandjî, nén Feller) :

• abèrtaklè : C8
• èburtakî : O0
• aburtaker : C9, S0
• abèrtakî : O3, O4
• èburtak’ler : O0
• imbardakî : O4
• abèrdaker : O90
• aburtakî : O0
• abèrdakî : O3, O4
• èburtakè : C1, C13
• imbèrtakî : O4
• imbèrdakî : O4
• aburtakè : S0
• èburtaker : C9
• èbèrtakî : O0

E rfondou walon :

• ebertaker : R9 (rifondaedje ricandjî enawaire) ^(lére)
• eburtaker : R10 ^(lére)

Ratournaedjes

mete ås fiers

• Francès : enchaîner ^(fr) / enchainer ^(fr), mettre aux fers ^(fr)

(må) adjinçner, (må) basti

• Francès : (mal) agencer ^(fr), cochonner ^(fr)

må moussî, d’ ene drole di manire

• Francès : accoutrer ^(fr), affubler ^(fr)

rastrinde li plaece

• Francès : encombrer ^(fr)

ecramyî

• Francès : entortiller ^(fr)

emantchî

• Francès : duper ^(fr), mettre en mauvaise posture

fé èn efant

• Francès : engrosser ^(fr), mettre enceinte