eglome

Walon (Rifondou)

• 
  Ene eglome so on blokea.

Etimolodjeye

Tayon-bodje latén « incus », pal voye do tayon-bodje patwès latén * « incudinem » (minme sinse).

Prononçaedje

• AFE :
  • diferins prononçaedjes :
    • /ɛ.ˈɡlɔm/ /ɛ.ˈɡlum/ /ɛ.ˈɡlym/ /a.ˈɡlym/ /ɛ.ˈklɔm/ (oyon O/OU/U)
    • (pa rfrancijhaedje) /ã.ˈɡlym/ /ã.ˈklym/ /ã.ˈklœm/
  • prononçaedje zero-cnoxheu : /ɛ.ˈɡlɔm/  ^{aschoûtez lu}
• Ricepeures : eg·lome

Sustantif

singulî	pluriyal
eglome	eglomes

eglome femrin

1. (foidjreye)gros blokea d’ fier då marixhå (dins ene foidje, wice k’ on bate les fiers co tchôds ki sont foirdjîs).
   • Ene eglome di marixhå.
   • Taper, feri so l’ eglome.
   • Si mete a l’ eglome.
   • Fé bouxhî l’ eglome.
   • Stocaesse et foirt come on tchvå, vos l’ etindroz k’ i fwait bouxhî s’-t eglome do matén al nute, sins låtchî. — Joseph Selvais (fråze rifondowe).
   • A l’vole, on cloya l’ouhe dès djîses.
     Li damèdje dès pèzants bayårs
     Qu’apatraf’tît à l’vice a l’vasse,
     Resdondihéve come dès èglomes
     E l’påhûlisté d’ine èglîze— Joseph Mignolet, "Li tchant di m' tere", 1935, p. 40.
   • Mint l' djoû k' intrît-st el foidje,
     On-z oya resdondi
     Li mårtea so l' eglome
     Bouxhant k' po-z assoti
     — Louis Lagauche, "L' inmant" (1947), p. 53 (fråze rifondowe).
2. egloumea d’ fåtcheu.
   • La les desséns des eglomes di fåtcheu. — Motlî d’ Tchonveye (fråze rifondowe).

Ratourneures

1. tiesse deure come ene eglome : il a l’ tiesse foirt deure, c’ est on tiestou.
2. inte l’ eglome et l’ mårtea : mwaijhe pôzucion, ataké d’ tos costés. On dit eto : inte l’ ouxh et l’ postea. (O3)
3. ene boune eglome n’ a nén peu do mårtea : on boun ovrî n’ a nén peu d’ l’ ovraedje.
4. våt mî esse li mårtea k’ l’ eglome (E200)

Parintaedje

• egloumea, egloumete
• (avou fondaedje do L) goumea, goumaye (coumaye)

Ortografeyes

Divant 1900 :

• ékamme : JLev
• ecomme : E212 ^(lére)
• ècome : E212 ^(lére)

Après 1900, foû rfondou (Feller, Feller ricandjî, nén Feller) :

• ècome : E1, E200
• eglom : E200 (1534)
• ècame : E1, E34
• èglume : C106
• = aglüm (aglume) : S38 (hagnon 5)
• ancleume : S104
• anclume : S117
• èglome : E1
• anglume : S109, S117
• aglume : S117
• inglème : O3

E rfondou walon :

• eglume : R11 (rifondaedje ricandjî enawaire) ^(lére)

Li mot n’ est nén dins : R13

Ratournaedjes

gros blokea d’ fier då marixhå

• Inglès : anvil ^(en)
• Francès : enclume ^(fr)
• Neyerlandès : aambeeld ^(nl)

egloumea Loukîz a : egloumea

Waitîz eto

Lijhoz l’ årtike eglome so Wikipedia