håye

Walon (Rifondou)

• 
  håye di hestreles
• 
  håye di fikîs amazirs
• 
  eraire di fier avou ene longue håye

Etimolodjeye 1

Tayon-bodje vî francike * « hagja » (minme sinse); mot cité dins l’ FEW 16, 115a; Dataedje do mot : 1100.

Prononçaedje

• AFE :
  • diferins prononçaedjes : /hɔːj/ /haːj/ /hoːj/ /haj/ /aːj/ /aj/ /hɛj/ /hɛːj/ /ɛj/, miersipepieuzmint e l’ notule ALW 1.50 (betchfessî å); (H prumrece) (36 prononçaedjes)
  • prononçaedje zero-cnoxheu : /hɔːj/
• Ricepeures : nén rcepåve

Sustantif

singulî	pluriyal
håye	håyes

håye femrin

1. rîlêye di bouxhons, sovint rtaeyîs, ki recloyèt on tchamp.
   • Li nivaye valsant avou l’ bijhe,
     Fjheut des damabondes di påwions
     Ki acovrént d’ ene sipesse tchimijhe
     Campagne et prés, håyes et bouxhons— Martin Lejeune, "L’iviêr èt l’amour" (fråze rifondowe).
   • L' ivier a sovint djowé ås måyes ; Asteure, il èva hinkeplink il èva ådtriviè des håyes Mins il a pierdou totes ses kinkes — Gérard Havelange (fråze rifondowe).
   • Les håye ridoxhèt d' årdispenes.
2. rîlêye d' ôte tchoi.
   • Ene håye di brikes.
   • I metént les frexhès brikes a håye por zeles souwer divant d' aler å for — Motî d’ Bastogne (fråze rifondowe).
   • Li Toû d' France, avou ses håyes di rwaitants.

Ratourneures

1. taper l' cote sol håye
2. èn nén mete pinde ses lokes a des bassès håyes
3. våt mî èn oujhea e s' mwin ki deus sol håye
4. Sôte, Mirôre, houte des håyes et des bouxhons : kimande des macrales a leu ramon, po k' i les emoenne dins les airs.
5. payis la k' on loye nén les håyes avou des såcisses : on payis la k' tot est beazet bea.

   On dit eto : Halbeskeute. F. pays de cocagne.

6. les håyes et les bouxhons schoûtèt : dijhêye po k' on s' dimefeye di çou k' on dit, k' i gn a des djins kel pôrént ôre, et vos fé do toirt.

   Franwal: ahåyant po: "les murs ont des oreilles".

Parintaedje

• hayon, Les Hayons, hayete, hayisse
• håyner; Loukîz a : « håyner »
• håyî, håyaedje
• ehåyî, ehåyaedje (linwe-ehåyaedje)

Mots d’ aplacaedje

• Delhåye (no d' famile).
• a des håyes
• pilé d' håye

Sinonimeye

• (po catchî et retourer) : håbe
• (bwès) busket, virêye, taeye

Omofoneye possibe

• /aj/
  • hay (alez, avance)
  • ay (criyaedje)
• /hay/
  • hay (alez, avance)
  • schaye (haye po les toets)
• /hɛy/
  • schaye (hèye po les toets)

Ortografeyes

Divant 1900 :

• hâïe : E203 ^(lére)
• xhaie : E212 ^(lére)

Après 1900, foû rfondou (Feller, Feller ricandjî, nén Feller) :

• aye : C1, C8, C9, C13, O0, O3, O4, G201 p. 173
• hân.ye : E165
• hauye : S24, S25
• hôye : S24, G201 p. 173
• hâye : E2, E200, E212b, S17, S44, G201 p. 173
• hêye : G201 p. 173
• haye : C8, S0, G201 p. 173
• âye : O5, G201 p. 173
• hèye : S0, G201 p. 173
• håye : E1, E34, S117, G201 p. 173

E rfondou walon :

• håye : R9 ^(lére), R10 ^(lére), R11 ^(lére), R13

Ratournaedjes

ritaeyîs bouxhons po catchî ou retourer

• Arabe marokin : درڭ ^(ary) = دْرڭ =‎ dreg
• Almand : Hecke ^(de), Hag ^(de)
• Inglès : hedge ^(en)
• Espagnol : seto ^(es), seto vivo ^(es)
• Francès : haie ^(fr)
• Neyerlandès : haag ^(nl)

rîlêye di brikes

• Francès : haie ^(fr), rangée ^(fr)

retouré bwès

• Almand : Hag ^(de)
• Francès : haie ^(fr), bosquet ^(fr), taillis ^(fr)

Etimolodjeye 2

Stindaedje do sinse do prumî mot, dandjreus paski les boirds di ces bwès la estént rtaeyîs a môde di håye, po n' nén fé d' l' ombrire so les tchamps astok.

Sustantif

singulî	pluriyal
håye	håyes

håye femrin

1. retouré bwès, pu bwès k' on î va côper des åbes.
   • Il a metou ene håye a blanc
   • Ene boune håye, ça dene ene coide di bwès a l' åre — Motî d’ Bastogne (fråze rifondowe).

Mots d’ aplacaedje

• Delhåye (no d' famile).
• Li Håye (veye di Holande]]

Sinonimeye

rasse, taeye, virêye

Mots vijhéns

hé.

Etimolodjeye 3

Tayon-bodje vî francike «hagja»; mot cité dins l’ FEW 16 114.

Sustantif

singulî	pluriyal
håye	håyes

håye femrin

1. londjron d' l' eraire.
   • Li håye di l' eraire est sketêye.

Ratourneures

1. diner on côp d' håye : diner on côp di spale. F. donner un coup de main.

Ortografeyes

Divant 1900 :

• hâïe : E203 ^(lére)

Après 1900, foû rfondou (Feller, Feller ricandjî, nén Feller) :

• aye : C1, C9, O4
• hèye : S0
• haye : S0
• håye : E1
• âye : O2, O5

E rfondou walon :

• håye : R10 ^(lére), R11 ^(lére)

Li mot n’ est nén dins : C8, R13

Ratournaedjes

londjron d' l' eraire

• Francès : flèche ^(fr) (de charrue), haie ^(fr) (de charrue), âge ^(fr) (de charrue)

Walon (sistinme Feller)

Etimolodjeye

Loukîz a : « schåye » Modele:Hp-fel

• 
  on pinséve ki ça vneut d' ene ratourneure «fé håye nete» = bén rtaeyî ene håye

Sustantif

håye femrin (vî vî mot)

1. todi dins l’ ratourneure fé håye nete

Mots d’ aplacaedje

• håynete
• håynetmint

Ortografeyes

Divant 1900 :

• xhaie : E212 ^(lére)
• hâye : E212 ^(lére)
• xhâie : E212 ^(lére)

E rfondou walon :

• håye : R11 ^(lére)

Li mot n’ est nén dins : E1

Ratournaedjes

håye

• Francès : séparation ^(fr)

Waitîz eto

Lijhoz l’ årtike håye (discramiaedje) so Wikipedia