ossu

Walon (Rifondou)

Etimolodjeye

Aplacaedje do bodje « alius » et do bodje  «si », avou ridaedje des deus voyales (a => o ; i => u) ; (sorwalonde -U- estô di -I-).

Prononçaedje

• AFE :
  • diferins prononçaedjes : /ɔ.sy/ /ɔ.si/ /ɔ.sœ/
  • prononçaedje zero-cnoxheu : /ɔ.sy/
• Ricepeures : os·su

Adviebe

ossu (nén candjåve)

1. divant èn addjectif ou èn adviebe, lu-minme sovint shuvou pa « ki », mostere on rmetaedje a èn ôte sudjet ou obdjet del minme foice ; si.
   • Il est ossu biesse ki mes pates.
   • I sont ossu grands onk ki l’ ôte. — Motî d’ Djivet (fråze rifondowe).
   • Dji n’ a måy veyou ossu nawe.
2. al fén del fråze, mostere ki l’ novea sudjet va fé come li prumî, come les ôtes.
   1. dins ene fråze di djhaedje ; eto.
      • Oyi, dji vénrè ossu. — Motî d’ Bouyon (fråze rifondowe).
      • Dji mete voltî do côrin so mes tåtes ; et m’ feme ossu, åresse.
   2. dins ene fråze di noyaedje, dirî prono sudjet ; nerén.
      • Lu ossu n’ esteut nén la. — Motî d’ Bastogne (fråze rifondowe).
   3. po mostrer on rafiya ki n’ s’ a nén passé ; insi.
      • Åy, mins i n’ l’ a nén avou, ossu. — Motî d’ Bastogne (fråze rifondowe).
      • Et si ça n’ va nén, ossu ? — Motî d’ Bastogne (fråze rifondowe).
3. el tiesse del fråze ou del fråzlete, mostere ki çou ki shût est l’ consecwince di çou k’ on vént d’ dire ; c’ est po çoula ki.
   • C’ est on bråve valet ; ossu tolmonde el voet voltî. — Motî d’ Vervî (fråze rifondowe).
   • Ossu, so må pô d’ timps, li tére ni sèrè pus
     qu’ine grande blanke sitårêye,
     qui lès håyes èt lès bwès, lès-åbes èt lès bouhons
     marquèt d’ine tètche blouwisse — Henri Simon, Li pan dè Bon Diu, L'iviér.

Ratourneures

1. et mi ossu !
2. ossu vite dit, ossu vite fwait
3. Rimetaedje (addjectifs) bastis avou "ossu"
   1. ossu subtile k’ ene gade di tchivroû
   2. ossu poli k’ ene casrole di scroufier
   3. ossu seur ki k’ l’ aiwe court a valêye
   4. ossu long k’ on djoû sins pwin

Mots d’ aplacaedje

• ossunon
• totossu / ttossu / totsu / tossu
• ossubén, ostant
• ossutoit, ossuvite, ossuvite ki, ossurade, ossurade ki
• ossutchî

Sinonimeye

• (mostrant l’ ewalisté divant èn addjectif ou èn adviebe) : si
• (mostrant l’ radjoutaedje, al fén del fråze) : eto, avou, del minme manire
  • (dins ene fråze di noyaedje) : nerén, nén pus / non pus
• (mostrant l’ consecwince, el tiesse del fråze) : eto, adon, dabôr, ça fwait ki, c’ est po çoula ki

Omofoneye possibe

• /ɔ.sy/ hossî (ossi)

Ortografeyes

Divant 1900 :

• ossi : E212 ^(lére)
• oci : E203 ^(lére)

Après 1900, foû rfondou (Feller, Feller ricandjî, nén Feller) :

• ossi : E34, E212b, C1, C8, C13, O81, S0, S25
• ossu : E34, S0
• osse̊ : JJG
• ossë :  ?

E rfondou walon :

• ossu : R13

Li mot n’ est nén dins : E2, C65, O100

Ratournaedjes

mostrant l’ ewalisté divant èn addjectif ou èn adviebe

• Arabe : مثل ^(ar) = مِثْل =‎ mithl
• Arabe marokin : بحال ^(ary) = بْحال =‎ b7al
• Catalan : tan ^(ca)
• Almand : so ^(de), genau so ^(de)
• Inglès : as ^(en)
• Espagnol : tan ^(es)
• Francès : aussi ^(fr)
• Itålyin : tanto ^(it)
• Neyerlandès : zo ^(nl)
• Suwedwès : lika ^(sv), likaså ^(sv)

mostrant l’ radjoutaedje, al fén del fråze

• Arabe : ʾayḍan =‎ أيضا ^(ar) = أَيْضاً ^(ar)
• Arabe marokin : حبّى ^(ary) =‎ 7etta
• Catalan : també ^(ca)
• Almand : auch ^(de)
• Inglès : also ^(en)
• Espagnol : también ^(es)
• Francès : aussi ^(fr)
• Itålyin : anche ^(it), pure ^(it)
• Neyerlandès : zo ^(nl)
• Suwedwès : också ^(sv), även ^(sv)

mostrant l’ consecwince, el tiesse del fråze

• Almand : deswegen ^(de), deshalb ^(de)
• Inglès : so ^(en), therefore ^(en)
• Francès : aussi ^(fr)
• Neyerlandès : zo ^(nl), daarom ^(nl), dus ^(nl)