påter

Vaici, gn a des racsegnes so l' påter "nosse pere"

Vaici, gn a des racsegnes so les påters (priyires)

Walon

Etimolodjeye et tcherpetaedje

Sicawé calcaedje do latén d' eglijhe « pater noster » (nosse pere)

Prononçaedje

• AFE :
  • Prononçaedjes : /paːtɛːʀ/ /pɔːtɛːʀ/
  • Prononçaedje zero-cnoxheu : /pɔːtɛːʀ/

Sustantif

singulî	pluriyal
påter	påters

påter f. (djinre diferin do sfwait mot e francès)

1. priyire catolike, ki cmincive e latén pa "Pater noster".

   Ki vloz vs ki dj' fwaiye tot seu, e ståve, minme li djoû do Noyé a meynute ? Dijhans ene påter so les doze côps, po k' les biesses ni fouxhénxhe nén emacralêyes (J. Lahaye).

2. tolminme kéne priyire.

   Vos diroz ene pitite påter por mi.

Ratourneures

>> dire ses påters : a) dire ses priyires. b) ronfler (po ene djin, po on tchet).

Li tchet dit ses påters cwand dj' el caresse padrî les orayes. On dit eto : soyî do bwès.

>> kinoxhe ene sacwè come ses påters : el foirt bén cnoxhe.

>> aveur èn åmen po tchaeke påter : aveur response a tot. On dit eto : todi aveur ene pîce po mete e trô.

>> påters di pourcea; u: >>  påters di tchén; u: >>  påters di borike : laids mots, djuraedjes, traitaedjes.

Les femes les ratindént, come di djusse, po lzès docsiner avou des påters di borike (J. Calozet).

>> aveur des påters di pourcea (di tchén) : si fé regrawyî, si fé gueuyî.

>> Il è sait dipus ki s' påter : i cnoxhe bråmint des cayets (sovint rapoirt al macralreye).

>> si stitchî el påter mågré Diu : ès vini tchôkî e-n ene plaece k' on vôreut bén ki vos n' serîz nén.

Parintaedje

• påterner
• påterniker
• påtriyî
• påternosse

Ratournaedjes

(Priyire "Nosse Pére")

Arabe marokin: [[]] = [[]] Francès: Notre-père, pater; si stitchî el påter mågré Diu : jouer les intrus.

Latén Pater noster (tolminme kéne priyire) Loukîz a : priyire