rozea

Èn årtike di Wiktionary.
Potchî a: naiviaedje, cweri

rozea [o.n.] plante ki crexhe dins les fagnes et tot do long des basses. Les rozeas crexhèt dint l' frexhåd. El pexheu a prins ses rozeas po monter s' lene (F. Deprêtre et N. Nopère). Nos ns alans astaler låva dé les rozeas (F. Barry). Loukîz a : djonkea. F. roseau.

Etimolodjeye : tîxhon "raus" (minme sinse).

| rozire [f.n.] plaece k' il î crexhe des rozeas, k' on aléve code, po fé di totès sôres. >> Al Rozire, la-minme: al Rozêre : no d' ene plaece di Motî:Cerfontinne. >> Li pazea d' Rozire: no d' ene plaece di Bastogne (k' aléve a Rozire).

Vîs scrijhas : Roserias (1030), Rosiris (1136), Rozer (1541).

Etimolodjeye : cawete -ire.

| Rozire [n.pl.] no di sacwants viyaedjes :

1. Rozire-Sint-Andrî, la-minme: Rozêre ancyin ptit ban del Walonreye, e F. Rosières, rebané avou Ricsinsåt.

2. la-minme: Rozière hamtea di Vå-dlé-Rozire.

Imådje:Rozire-el-Wisconsene plake.jpg
Plake a l' intrêye di Rozire-el-Wisconsene

3. viyaedje del Wisconsene, en inglès Rosière.

| Rozou [n.pl.] viyaedje di Walonreye, rashonné avou Crinnwik po fé l' ancyin ptit ban d' Rozou-Crinnwik.

Etimolodjeye: cawete -oe, dizo disfondowe "-ou", plaece avou des rozeas.


Mots d' aplacaedje :