setch

Walon (Rifondou)

Etimolodjeye

Tayon-bodje latén "siccus " (minme sinse).

Prononçaedje

• AFE :
  • diferins prononçaedjes : /sɛt͡ʃ/
    • (pa picårdijhaedje) /sɛk/ (minme prononçaedje cåzu pattavå)
  • prononçaedje zero-cnoxheu : /sɛt͡ʃ/
• Ricepeures : nén rcepåve

Addjectif

	singulî	pluriyal
omrin	setch	setchs
femrin atribut	setche	setches
femrin epitete (todi padvant)	setche	setchès

setch omrin (come addjecif djondrece, todi metou padvant l’  no)

1. sins aiwe, copurade:
   1. sins crouweur bén rsouwé, tot cåzant d' ene sacwè.
      • Cwand l' four est bén setch, on l' mete a cojheas.
   2. sins plouve, tot cåzant do tins, d' on payis.
      • Ké setch tins ! Et la on moes k' ça deure !
   3. wice k' i gn a pupont d' aiwe, tot cåzant d' on sourd, d' on pousse.
2. crevé tot cåzant d' ene plante.
   • Si les fetchires vinèt stofer li ptite hesse ki vs avoz planté, vos vs ritrovez avou tos setchs hestreas — Motlî d’ Tchonveye (fråze rifondowe).
3. mwinre (maigue) et sovint grigneus, tot cåzant d' ene djin.
   • Ene pitite setche feme.
4. ki n' a waire di såce, tot djåzant d' ene eurêye.
   • Gn a djamåy onk ki dit al mere : «C' esteut bon » ; « O! c' est trop salé »; « O! c' est trop setch » ; C' est tot l' merci k' elle a — Lucyin Mahin (fråze rifondowe)..
5. (imådjreçmint)
   1. straegne, deur.
      • Il esteut foirt setch dins ses rcoridjaedjes.
   2. ki n' deure nén lontins, tot djåzant d' on betch.
      • Ele m' a dit : dji n' ai po m' complaire Ni pere ni mere; Mins tinzintins, i m' fåt des betchs, Ni crås, ni setchs (Georges André).

Ratourneures

1. setch come Setchri; u: setch come brokete; u: setch come li bourike Sint-Nicolai; setch come li cou Sint-Nicolai u: setch come li cou del bourike da sint Nicolai : bén setch.
2. setch payis : payis wice k' i n' ploût waire.
3. fé cou setch : vûdî on vere d' on plin côp.
4. El setch Paxhi : no d' ene plaece del Lovire, di Tchapele, di Nåsse, la-minme
   • El Sèk Pachî
5. al Setche Vå : no di des plaeces di Aiwêye, Soûgné.
6. setch come ene trike u: setch come on côp d' trike u: setch come ene anweye : (foirt maigue)
7. esse a setch

Parintaedje

• setchmint, setchresse, setchoe, setcheur
• setchi, setchixhaedje, setchixhmint
• assetchi, assetchixhaedje, assetchixhmint
• rassetchi

Mots d’ aplacaedje

• fé setch
• Setchri, Setche Vå

Omofoneye possibe

• saedje (sèdje: sûti, sincieus)
• saedje (sèdje, plante)
• saetch (sètch po mete do grin)
• dji, i... saetche : viebe sètchî (saetchî) : dji sètche al coide)

Ortografeyes

Après 1900, foû rfondou (Feller, Feller ricandjî, nén Feller) :

• sètch, sètche : C8, E1
• sètche, sètche : O4

E rfondou walon :

• setch, setche : R10 ^(lére), R11 ^(lére), R13

Ratournaedjes

sins crouweur, tot cåzant d' ene sacwè

• Arabe marokin : ناشف ^(ary) =‎ nachef
• Inglès : dry ^(en)
• Espagnol : seco ^(es)
• Francès : sec ^(fr)
• Gåmès : sètch
• Neyerlandès : droog ^(nl)
• Picård : sec ^(pcd) (sèk)

sins waire di plouve, tot djåzant d' on payis

• Francès : sec ^(fr), aride ^(fr)

sins pupont aiwe (pousse, sourd)

• Francès : sec ^(fr), tari ^(fr)

Adviebe

setch (nén candjåve)

1. setchmint
   • I m' a cåzé setch.
2. (mot d’ cwårdjeu) tot seu di ç' coleur la
   • Dj' aveu li rwè setch.

Ratourneures

1. dire si afwaire setch et nete : cåzer sins crawyî, sins tourner åtou do pot.