tape

Walon (Rifondou)

Prononçaedje

• AFE :
  • prononçaedje zero-cnoxheu : /tap/ (minme prononçaedje pattavå)
• Ricepeures : nén rcepåve

Etimolodjeye 1

Sibetchaedje di « estape ».

Sustantif

singulî	pluriyal
tape	tapes

tape femrin

1. boket d’ ene voye a fé.
   • Cwand l’ convwè rprind s’ coûsse pol dierinne tape, les compårtimints resdondixhèt di resploes al môde. — Dieudonné Boverie, Li loumire pierdowe, p. 54-55 (fråze rifondowe).
   • Cwand l’ bal del nivaye ourit fwait s’ tape,
     Totes les coxhetes des åbes dressît
     Leus skeletes ki l’ rålêye al schape
     Di wate et d’ glaece aveut tchåssî— Martin Lejeune, "L’iviêr èt l’amour" (fråze rifondowe).
   • nos avans ene longue tape a fé.
2. boune distance.
   • Gn a ddja ene tape did ci a Bôvetchén.
3. (mot d’ colebeu) låtchaedje di colons voyaedjeus, bate di pidjons.
   • Dj’ a metou m’ bleu-bijhe al tape.
   • Ni fjhoz nén l' malén vos ! Vosse "pitit Djezus", on nel voet måy ki so les ptitès tapes!— Paul-Henri Thomsin, ratournant "Li vî bleu" da François Walthéry & Raoul Cauvin, 1980 (fråze rifondowe).

Ratourneures

1. mete al tape : evoyî on colon por lu raler eviè s' colebire.

Parintaedje

• estape

Sinonimeye

• (boket d’ ene voye a fé): estape
• (boune distance) : tapêye, trote

Ortografeyes

Après 1900, foû rfondou (Feller, Feller ricandjî, nén Feller) :

• tape : C13, E170, S117

E rfondou walon :

• tape : R10 ^(lére), R13

Ratournaedjes

boket d’ ene voye a fé.

• Francès : étape ^(fr), trajet ^(fr)

boune distance

• Francès : bon bout de chemin ^(fr), bonne distance ^(fr)

Etimolodjeye 2

Svierba do viebe « taper ».

Sustantif

singulî	pluriyal
tape	tapes

tape femrin

1. (éndjolike) pitit cwåré avou ene lete la k’ on tape dissu so ene machine a scrire u ene copiutrece.
   • Li tape «al roye» est fotowe.
2. (mot d’ djeu) lene k’ on n’ pout nén passer po djouwer a des djeus k’ i gn a.

Ortografeyes

Après 1900, foû rfondou (Feller, Feller ricandjî, nén Feller) :

• tape : C13, E1, E165, E170, O4

E rfondou walon :

• tape : R10 ^(lére), R13

Ratournaedjes

E cisse pådje ci, n’ a pont d’ ratournaedje pol mot. El pôrîz radjouter, s’ i vs plait ? Come çoula, l’ årtike rissereut d’ adrame.

Codjowas

tape

1. indicatif prezintrece, prumire et troejhinme djins do singulî, do viebe « taper ».
   • I tape voltî des fiyons ås ôtes. — Motî d’ Cînè, a « fion » (fråze rifondowe).
2. suddjonctif prezintrece, prumire et troejhinme djins do singulî, do viebe « taper ».
3. kimandeu prezintrece, deujhinme djin do singulî, fôme camaerådrece, do viebe « taper ».