tchene

Èn årtike di Wiccionaire.
Loukîz eto : tchène, tiene.

Walon (Rifondou)[candjî]

Etimolodjeye 1[candjî]

Tayon-bodje latén « cannabis »

Sustantif[candjî]

tchene femrin

  1. (plante) plante semêye po ses montants k’ on fjheut des coides et des toeles avou, et po ses grinnes, ki l’ sincieus no, c’ est : Cannabis sativa.
    • On seméve del tchene dins tos les viyaedjes Motlî d’ Tchonveye (fråze rifondowe).
    • Djihan et Djhene
      Ki coyént l’ tchene;
      Djihan trota; Djhene s’ ewaera Louis Remacle (fråze rifondowe).
    • On smincive del tchene po les oujheas Louis Remacle (fråze rifondowe).
    • Ça s’ a fwait li 14 di djulete 1748: les Bôhinots ont dvou payî å signeur li tiraedje å dozinme, nén seulmint sol grin, mins ossu sol lén, li tchene, li toubak et les canadas Louis Baijot (fråze rifondowe).
  2. grinne di ç’ plante la, eployeye po sognî les oujheas et come amoice po les pexhons.
    • Conte les halenes, mete del tchene al tere åtoû des cabus.
    • Dj’ aveu on bea ptit soverdea;
      Dj’ el nourixheu avou del tchene Louis Sonveaux (fråze rifondowe).
    • Les royteas estént ki pepiént les grinnes di tchene dins leu ptit batchea Lucyin Mahin.
    • Dji m’ tchedje di l’ amoirçaedje, des viers, del tchene et des molons Félicien Barry (fråze rifondowe).
    • Il aveut on cwåtron d’ belès rossetes escrotêyes al tchene Félicien Barry (fråze rifondowe).
  3. filasse et fis k’ on-z a après l’ broyaedje et li spindjaedje del plante.
    • C' est del coide di tchene Motî d’ Cînè (fråze rifondowe et rarindjeye).
    • Elle aveut rapicî s’ rôbe di toele a ses hantches avou ene pitite coide di tchene Guillaume Smal (fråze rifondowe).
  4. sicoreye fwaite avou ces coides la.
  5. çou ki tome djus di l’ aprestaedje des fis.
Ratourneures[candjî]
  1. diner ene tchene: bate, bouxhî so (ene djin, ene biesse); On dit eto : tchener, diner ene dobleure.
  2. atraper del tchene; u aveur del tchene; u ramasser del tchene : esse batou; Loukîz a : Motyince:volêye di côps/walon #: Loukîz a: dobleure; loukîz a: tchene
  3. diner del tchene a les pénsons po les estchåfer u a on lignroû pol mete so feu : nourixhaedje des oujheas tchanteus, des colons, po les fé cover.
  4. awè mindjî del tchene : esse amoreus.
    F. amoureux.
  5. gn a spès come del tchene : c’ est des plantes ki vnèt bén spès.
    F. pousse touffue, drue.
  6. pwin d’ tchene : çou ki dmeure del grinne di tchene cwand on l’ a pressé po-z aveur l’ ôle.
    • Cwand on dnéve des pwins d’ tchene ås biesses, les vatches ni savént veler et crevént (ramexhné pa L. Boulard).
    F. tourteau de chanvre.
  7. rascoyî del tchene : el code.
  8. broyî u spindjî l’ tchene : bouxhî dso po broyî li schoice.
    F. teiller.
  9. sercyî l’ tchene : pårti l’ filasse avou on seri.
  10. toide del tchene : aprester les fis tot les toirdant.
    F. cordonner.
  11. tresson, ficele di tchene, coide di tchene : prodûts do toirdaedje.
    F. tresse, corde, cable.
  12. fi d’ tchene : prodût do serciaedje.
    • Ele fijheut co ses lénçoûs avou des fis d’ tchene (diviè 1860).
  13. tchetea d’ tchene : fi d’ tchene trimpé dins del hårpixhe.
    • El coibjhî fwait do tchetea e passant del tchene dins d’ l’ hårpixhe Motî del Lovire (fråze rifondowe).
    • Fé on djeudfi avou del tchene (A. Balle).
Parintaedje[candjî]
Mots d’ aplacaedje[candjî]
Sinonimeye[candjî]
sicoreye di tchene
çou ki tome djus di l’ aprestaedje des fis
Ortografeyes[candjî]
Après 1900, foû rfondou (Feller, Feller ricandjî, nén Feller) :
Ratournaedjes[candjî]
plante semêye po ses filasses et po s' grinne
grinne del plante
filasse del plante
scoreye

Etimolodjeye 2[candjî]

Femrinne cogne di tchén.

Sustantif[candjî]

tchene femrin

  1. lexhe.
    • Fefeye, c’ est m’ tchene, dji vos l’ avowe Tos ls ans ele shût on rossea tchén Bob Dechamps (fråze rifondowe).
    • El tchene est co dislaxheye. Franwal di Cerfontinne (fråze rifondowe)..
    F. chienne.
Ortografeyes[candjî]
Après 1900, foû rfondou (Feller, Feller ricandjî, nén Feller) :

Etimolodjeye 3[candjî]

disfondowe di "tchene"

Sustantif[candjî]

tchene femrin

  1. å djeu d’ bale, plaece do djouweu k’ est å dbout do rectingue.
Ortografeyes[candjî]
Ôtès ortografeyes (avou des sourdants nén rkinoxhous) :

I gn a cåzu rén dins ci hagnon ci, mins si vos irîz rnaxhî dins des ôtes motîs, et trover l’ mot « tchene », riherez ciddé li scrijha do mot ki vos î avoz trové, et l’ rahouca do motî el Djivêye des motîs do walon.