voleur

Loukîz a : «voleûr»

Walon

Plinne cogne	Spotcheye cogne
voleur	vleur

Etimolodjeye et tcherpetaedje

Tayon-bodje latén "volo" (minme sinse), cawete di codjowaedje -eur, pal voye d' on (erî-rfwait) * "volere"; cité dins l' FEW 14, 218a.

Prononçaedje

• AFE :
  • Prononçaedjes : /vɔløːʀ/ /vɔləʀ/ /vɔlɛʀ/ /vɔlwɛːʀ/ /vulwɛːʀ/ /vulwɛ/ /vɔly/ /vuly/ /vɔli/ /vɔlu/ /vuly/, miersipepieuzmint el notûle ALW 2 81; (36 prononçaedjes).
  • Prononçaedje zero-cnoxheu : /vɔløːʀ/

Viebe

Djin et tins	Codjowa
Cåzant Ind. pr. (dji, dj')	vou
Atôtchî(s) Ind. pr. (vos, vs)	voloz / vloz
Cåzants Ind. pr. (nos, ns)	volans / vlans
Rwaitants Ind. pr., nam. (i/il, ele/elle)	volnut
Cåzant Ind. fut. (dji, dj')	vôrè
Cåzant D.I.E. (dji, dj')	voleut / vleu
Cåzant Suddj. pr. (ki dji, dj')	voye
pårt. erirece (dj' a, vos av)	volou / vlou
Ôtes codjowaedjes	pådje a pårt

voleur

1. v. å coplemint
   1. dimander di tote foice.

      Dji vou k' on m' schoûte.

      Ele vôreut mori, dit-st ele.

   2. riçure voltî.

      Voloz ene tåte al makêye ?

      Dji vôreu bén ene djate di sope.

      Voloz ki dj' vos dene on côp di spale ?

   3. (todi avou ene fråzlete come coplemint) dire (ene sacwè prezintêye come seure).

      Li gros Lantin vleut kel feme å havet esteut ptite et lådje, bodêye si on vout (E. Gilliard).

2. aidant viebe
   1. aveur dins l' tiesse di (fé ene metowe sacwè).

      C' est nén l' tot d' voleur basti; i fåt des cwårs po fé.

      I fåt aveur do tins, po s' voleur mete ås eleccions.

      Ti vouss taire, al fén ?

      Vos vou dj' aidî ?

      Dji vos vou berdeler, Et nén vos aschoûter (J. Beaucarne).

   2. (divant on viebe sins djin) s' aprester a (fé èn ôte tins, si mete e rote…).

      Li tchawe-soris vole cwand i vout fé laid (ramexhné pa L. Remacle).

      On n' direut k' ça vôreut demarer (tot voeyant les otos tcheryî, dabôrd k' on ratindeut l' batea-feri dispu on djoû).

Ratourneures

1. si on vout, ki ça våye come ça vout
2. voye non voye
3. voleur di tote foice
4. >> soeye t i ossu bea k' i volaxhe : minme s' il est bea (shuvou d' ene fråzlete ki mostere k' i gn a pont d' consecwince otomatike avou ça).

   vost oto soeye-t ele ossu bele k' ele volaxhe ni vos dene nén l' prumiristé (R. Romain).

5. >> el tot, c' est d' voleur : dijhêye po ecoraedjî ene sakî a voleur eterprinde ene sacwè.

Parintaedje

• volté, voltî, voltrûle, bon volwer
• rivoleur / rivleur

(minme sourdant etimolodjike)

• volontaire, volontairmint

Mots d' aplacaedje

• è vleur (a ene sakî)
• bén vleur, bénvlant
• voleur dire
• dji-vou-dji-n'-pou

Omofoneye possibe

avou voleûr (hapeu d' boûsse).

Ortografeyes

Divant l' sistinme Feller voleur : E212 vouloi : S25 E sistinme Feller voleûr : E1, E212, G202 v'leur : G202 v'lèr : G202 vlèr : S0 voleû: G202 volu : C105, S109, S117, O0 v(o)lu : C1 , C9, C100, C62 volou: G202 voulou: G202 voulu : O0, G202

voli: G202 v(o)li : O0 vli : C8 v'li : O2 volwè : O2 voulwè : O81 volwêr: G202 voulwêr : O0, O4, G202 voulwèr: G202 voulwor : O0 voulwôr : G202 volwâr : O3 voulwa : G202 E rfondou walon voleur : R13

Si vos irîz rnaxhî dins des ôtes motîs, et trover l' mot "voleur", riherez ciddé li scrijha do mot ki vos î avoz trové, et l' rahouca do motî el djivêye. Mins l' mot n' est nén todi dins : C5

Ratournaedjes

± aveur dins l' tiesse di (fé ene metowe sacwè)

Almand: wollen (de) Arabe: arâd = أراد (ar) Arabe marokin: bgha = بغى Espagnol: querer (es) Francès: vouloir (fr)

Inglès: to want (en) Neyerlandès: willen (nl)

Francès

Sustantif

singulî	pluriyal
voleur	voleurs

voleur o.

1. hapeu, côpeu d' boûsse, voleu, zwepeu.