Rawete:Sistinmes pre-Feller

On lome sistinmes pre-Feller (on dit eto vis sistinmes), tos les sistinmes di scrijhaedje k’ on stî eployîs po scrire e walon divant l’ sistinme Feller.

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Pluriyal

Tot shuvant l’ lodjike di scrire come on-z ôt, bråmint des oteurs ni metèt nén l’ pluriyal, å pus sovint mins nén todi. Çou ki fwait ki, pacô, on rtrouve el lete di beloyance z al plaece do pluriyal.

1600-1700 :

• Les Troucks on traiti le Cruſten. — Paskeye sol sidje et l’ dissidjmint d’ Wîne, 1683.

  Lès Troucs ont traitî lès Crustins. — Jean Haust, ratournaedje, 1937.

  Les Trouks ont traitî les crustins. — Lucyin Mahin, ratournaedje, 2018 (fråze rifondowe).

1700-1800

• Avu les ouie pu gran ki l’vente. — Motî Cambresier, 1787.

  Aveur les ouys pus grands ki l’ vinte.

1800-1900 :

• De-zâb à boîr de-zaiw. — Motî Rmåke li vî, 1823.

  Des åbes å boird des aiwes.

• Lè-z-esporon d’on cok. — Motî Forir, 1866.

  Les esporons d’on cok.

• Lè bon kontt fè lè bon-z-ami. — Motî Forir, 1866.

  Les bons contes fjhèt les bons amis.

• Dè tro lonkè-z-onk. — Motî Forir.

  Des trop longuès ongues.

Lete(s) di beloyance

Eles sont sovint-st aplakêyes å mot ki shût, avou ou sins loyeure ou apostrofe .

-z (al plaece do pluriyal) :

• De-zâb à boîr de-zaiw. — Motî Rmåke li vî, 1823.

  Des åbes å boird des aiwes.

• Il a saquant-z-années, quand l’ grain astou hours dé prix, […] — Léon Petit, Enn’ trairée, 1888.

  Gn a sacwantes anêyes, cwand l’ grin esteut wôr di pris, […]

-z :

• On-zet todi sûteie mi feie, kan on hoûtt ben. — Motî Rmåke li vî, 1823.

  On-z est todi sûteye mi feye, cwand on schoûte bén.

-n :

• Vla donc çu què j’ décide, après què d’dins m’ nespri, […] — Michel Renard, Les aventures dè Jean d’ Nivelles, el fils dè s’ paire, 1857.

  Vla don çou ki dj’ decide, après ki ddins m’-n esprit, […]

-st :

• I s’avance, i s’approch’. C’esst ènn’ saqui, disst-i. — Michel Renard, Les aventures dè Jean d’ Nivelles, el fils dè s’ paire, 1857.

  I s’ avance, i s’ aprotche. C’ est ene sakî, dit-st i.

• A cix qu’ vos allez veie, i l’zi fât st’à l’habeie, […] — Joseph Kinable, Les crostillons, Qui qui qui.

  A cis k’ vos alez vey, i lzî fåt-st a l’ abeye, […]