Signeur

Walon (Rifondou)

Etimolodjeye

Tayon-bodje latén « senior » ‎(« pus vî »), did la li sinse di « signeur » divins les lingaedjes laténs avou si eployaedje pol rilidjon.

Prononçaedje

• AFE :
  • diferins prononçaedjes : /sɪ.ˈɲœːʀ/ /sɪ.ˈɲøːʀ/ /sɛ.ˈɲøːʀ/ /sɛ.ˈɲœːʀ/
  • prononçaedje zero-cnoxheu : /si.ˈɲøːʀ/
• Ricepeures : Si·gneur

No prôpe

Signeur omrin

1. (mot d’ rilidjon) ôte no diné å Bon Diu veyou come li mwaisse di tot.
   • Mafwè, dj' î fou cåzu croké.
     Après côps, li mwin do Signeur
     Nos rinda on pô del vigueur.
     Adon, come des sôdårds di fier
     Nos poûssîs ces fureyes d' infier. — Paskeye sol sidje et l' dissidjmint d' Wîne(1683) (fråze rifondowe).
   • I nos fåt cminci åtoû d' nos. Tot bea doûcmint. Tot belotmint. Li tere då Bon Diu, c' est insi, voeyoz, dit-st i Nosse Signeur. Ça cmince avou rén. — André Henin (fråze rifondowe).
   • L’ Andje do Signeur vina djondant d’ zels, et l’ glwere do Signeur les rafûla di s’ loumire. — Jean-Marie Lecomte, Evandjîle sint Luk (ratournaedje) (fråze rifondowe).
2. (dins èn arinnoe) manire d' arinner l' Bon Diu.
   • K’ i fourit grand, Signeur, nosse tourmint,
     Cwand nos aprindîs, padzo mwin,
     K’ ele coreut l’ pertontinne ! — Joseph Vrindts, Pâhûles rîmês, (1897), « On sai bin pô çou qu’on ramasse », p.83 (fråze rifondowe).
   • Fijhoz, Signeur, ki s' i mousse foû d' mes mwins ôte tchoi ki çki dj' åreu vlou... ki dj' el riwaitaxhe cwand minme come Signeur bén reyussi — Émile Pècheur (fråze rifondowe).
   • Signeur, ki fwait droets les pas del djin: loukîz milouteuzmint vost ovrî Tibî Meyî, et fé ene croes so tos ses petchîs — George Staelens (fråze rifondowe).

Sinonimeye

• Grand Mwaisse
• Signeur Diu
• Mwaisse

Mots vijhéns

• Diè / Diu
• Bon Diu
• li Ci dal copete
• li Ci di dzeu

Omofoneye possibe

• segneure

Ortografeyes

Loukîz a : « signeur »

Ratournaedjes

diè unike des monoteyisses

• Inglès : Lord ^(en)
• Espagnol : Señor ^(es)
• Francès : Seigneur ^(fr)
• Vî grek : Κύριος =‎ kurios
• Itålyin : Signore ^(it)
• Latén : Dominus ^(la)
• Neyerlandès : Heer ^(nl)

Mot-fråze

Signeur (nén candjåve)

1. mostere li sorprijhe, li måvlaedje.
   • HINRI. - Sint Matî ! Kéne afwaire ! Kéne pawe !!!
     MELIYE (vivmint). - K' avoz vs don, Hinri ?
     DJEDJENE. - K' a t i co don, Signeur ! — Antoine Bouhon, Les Brixhes da Gèrâ, 1900, sinne XIII, p.32 (fråze rifondowe).
   • Signeur ; ké ramdam ! Ké rmowe-manaedje ! C' esteut les carnevals ! — Victor Carpentier (fråze rifondowe).

Sinonimeye

• Loukîz a : « Motyince:djuraedje/walon »