Copene:sepiance

Çou n' est nén "sepiance", mins "sepance", come "conoxhance", "morance", "ricwerance" etc. Li "-iance" seulmint a pårti des viebes avou "-yî". - Djôr/Waelsch (copene) 15 di may 2021 a 15:42 (UTC)

Djel mete so Berdelaedje, et sol DTW inte åtchetes. Come ça, si ene ôte djin est d' acoird, on l' ricandje. Li seule pitite rujhe, c' est k' il est insi so R13 (Motî Yoran Embanner). Dandjreus ki l' -y- vént d' èn assaetchaedje di syince.

--Lucyin (copene) 15 di may 2021 a 17:33 (UTC)

Li mot l' air d' aveur sitî eployî dispu 2003 (Li Rantoele, Coutcouloudjoû). Po l' etimolodjeye, on l' pout astoker so on forveyou *sepyî (ki pôreut voleur dire: «kinoxhe finmint», «kinoxhe disk' ås ptits bokets», on pô l' minme imådje di «spepyî»).

Dji sereu po l' wårder insi (por mi, ça soune mî a l' oraye, copurade ki «sepance» xhiltêye come «panse», on laid mot).

--Lucyin (copene) 15 di may 2021 a 18:50 (UTC)

Dji l' a todi rsintou nén come on parint d' "sepe", mins purade on walonijhaedje do mot latén "sapientia".

C' est insi dins ls ôtes lingaedjes romans: es:sapiencia, it:sapienza, fr:sapience, ro:sapiență

do côp, c' est bén avou "i", come dins tos ls ôtes lingaedjes, et pol minme råjhon. I gn a djusse yeu on candjmint d' voyale "a" -> "è".

--Srtxg (copene) 16 di may 2021 a 16:27 (UTC)

I gn a minme yeu on scrijhaedje "sepyince" fwait pa l' Gueuye-Noere : dj' ô bén, on calcaedje do francès avou l' ôte tchuze pol walonijhaedje do francès "en"; mins k' a bén li yod ([j]).

--Srtxg (copene) 16 di may 2021 a 16:32 (UTC)

Li latén sepientia a dné e walon saedjesse. Mins sepance s'a prustî ådvins do lingaedje walon, a pårti do viebe. Les sapiencia, sapienza, sapience, sapiență, ç'n'est nén des mots erités. Mins l'walon sepi est erité. Totes les cawetes walones -iance vegnnut d'ene cawete la ewou les tayons avént ene sacwè inte li i et l' a (såf cwand c'est on calcaedje fr., et la, ça pout esse foirt brouyî). Waelsch (copene) 18 di may 2021 a 05:11 (UTC)