Sujet sur Uzeu copene:Lucyin

Reptilien.19831209BE1 (copinercontribouwaedjes)

Divins Li Rantoele,  57 « Letes di cibernaivieus » :

Queski ça vou dire in wallon « mpéti colau » mi dji di « un ptit coq » em fem dit « un coquelicot » ?? Jacqueline & Robert Delfosse, li 6 di fevrî 2011

Responses :

[...] Dji croe ki ça vént d’ on ptit no [prénom], Colåd = li no d’ famile Collard. Les cis k’ eploynut li « au » divrént purade sicrire « Colaud » ki « colô », come dins l’ Coûtchant walon. Mins l’ sinse est l’ minme ki « mi ptit colon » [mon pigeon], et gn a surmint yeu assaetchance des 2 mots. Lucyin Mahin

C' est l' etimolodjeye ki vs av metou sol pådje do Wiccionaire : colåd.

Por mi, disk'asteure, dji pinseu k' c' esteut colowe (coloûte, el sierpint), tot djåzant d' ene djonne ki camousse, k' arive a passer divins ene sitroete plaece po n' si nén fé prinde (cwand il a fwait ene biestreye) : dj' ô co m' mame (k' esteut d' Nivele) dire « awou dalez come ça m’ colau ? » k' ele prononceut /kɔlow/. Mins c' est l' veur ki ça n' si pout nén, la k' el sierpint s' dit coulieufe, et nén colowe (E1). Di pus k' em mame mel dijheut eto cwand dji n' aveu nén fwait d’ biestreye.

MINS : asteure ki dj' a sacwants motîs do Coûtchant, dji pout lére :

  • colau : G0,O0,O90,O3 (sicrît eto colaû)
  • colô : O2, O3
  • colâ : G0

dinés po cok, on mot k' on rtrouve eto divins l' motî picård da Sigart (JSig) « colau » et l' ci da Hécart (PiF1) « coleau », avou l' minme definixha, dji n' croe nén k' ça vént do ptit no Colåd — ki vénreut di Nicolai sorlon les motîs, tolmoens pol francès —, mins purade di co (sinonime di cok amon nozôtes) avou l' raptitixhante cawete -(l)ot, come po coulot.

Adon, èm colau (« em colot » ?) voreut dire em pitit cok, k' est bråmint pus plaijhant ki m' pitite colowe. (coulieufe).

Lucyin (copinercontribouwaedjes)

Dj' a lî k' c' esteut li ptit no "Colåd" ene sadju, mins dji n' sai pus wice. Collard, c' est on no d' famile foirt corant el Walonreye, ki vént d' ene ôte cawete di Cola (come Colin, Colot, Colinet, Coliene, Colignon). Li bodje ovrant, e walon, c' est "Cola", nén "Nicolai", ki c' est ddja ene cogne rifwaite do lomaedje oficir (do sint). Li ptit no li pus corant, c' est Cola (ki dji scrireu sins <s>, come el mostere li parintêye Nicolayî, ôte no d' famile foirt corant, ki vout dire: les cis d' mon Cola). Li <s> ni rispite djamåy, ni e walon, ni e lussimbordjwès (Nikeln).

Des ptits nos d' djins k' ont divnou cmons nos, end a mwints: fé l' djåke (fé l' biesse); gugusse; ritchåd, djuråd, cola (les 3 pol minme oujhea). Loukîz a: Categoreye:Pitits nos divnous des cmons nos

El fé vni d' "cok" ? Mins adon, avou fondaedje do K (çou ki s' voet après Måmdiy), + dobe cawete -låd (''coquelard'') u picård -iô, francès -ô (coqueau) ??? Paski li dierinne lete est bén longue (au, aû, ô). Adon, ça n' pout nén esse li cawete -ot (li walon fwait pårmint bén l' diferince inte on long et on court <o>).

Mins, s' i gn a ene cawete, les letes etimolodjikes coron rissôtèt (cokea, cocrê). On shuvion -kl- est béndjhant; li <k> n' î pout nén fonde.

Li cawete -å (ospitå, tchivå, tchapå) ki dénreut -al e picård (eyet on scrijha rfondou *colå), elle est moite dispu bele ådje.

Li rujhe avou les etimolodjeyes "acertinêyes", c' est k' les scrijheus si rcopeynut n' onk l' ôte.

L' advantaedje do scrijha colåd, c' est k' c' est ene cawete foirt corante e rfondou; "colô" et "colau" ni sont nén vormint des tcherpetaedjes do rfondou.

Dierin astoca: li scrijha "colåd" a stî rprins dins les ratournaedjes éndjolikes des betchteus po fr. "favoris" (ancyinne djåspinreye "linux", diviè 2005-2010).

Ça fwait: djel laireu come çoula (et fé ene hårdêye dins on hagnon "sourdant" eviè cisse bate di dvizes ci).

Lucyin (copinercontribouwaedjes)

Mins, tot conté tot rabatou, pus çki dj' prononce "coclåd", pus çk' i m' shonne ki li -k- pout foirt bén fonde. => wårdans les 2 voyes etimolodjikes, mins todi avou l' cawete -åd.

Reptilien.19831209BE1 (copinercontribouwaedjes)

Mea culpa, come on dit !

Di fwait, c'est vos k' av råjhon. Dins G0 on trouve li racsegne ki vos dnez : colâ, colau = F. colas = geai (l'oujhea), ki vént di F. Colard < Nicolas.

Gn a-t i yeu stindaedje di sinse pol cok...

Et come vos l' dijhoz eto, li court prononçadje di -ot ni va nén ! Li cawete -åd si tént pask' on-z a l'cogne femrinne colaute acertinêye divins O4.

Adon, wårdans ciste etimolodjeye la k' est acertinêye.

Répondre à « « colô » ? »