Sujet sur Uzeu copene:Srtxg

Dji n' sai vos, mins mi dji rsin ene diferince inte les deus :

• pixhate, avou l' cawete -ate, ça m' lai sondjî a ene sacwè di nén bon (ki sint mwais, k' a nén bon gosse).
• pixhete, avou l' cawete -ete (raptitixhante), ça dene l' idêye d' ene pitite cwantité — dji n' a fwait k' ene pixhete : dji n' a pixhî k' on pô.

Et vos Pablo, comint l' veyoz ?

Oyi, i shonne bén k' les deus cawetes egzistént.

"-ate" n' est nén foirt eployî (motoit bén djustumint paski l( sinse n' est nén bon). Dins l' DTW i n' a ki: bernate, carapate, (motoit eto bouriate), drôvate, pixhate. (tos ls ôtes -ate sont des calcaedjes, oudonbén -at- est l' fén do bodje; ou co l' cawete tchimike -ate (fosfate).

A pårt po drôvate ki dji n' kinoxhe nén, les ôtes oyi ont on sinse rabaxhant.

A noter eto ki Haust "rifond" -ate avou -ote (pihate metou come variante di pihote). "-ote" est bén pus corant, come femrin di "-ot, -ote" (i gn a eto "-note" li walonijhaedje di "fr: -naute".

I gn a ene dobe rifondowe -ote/-ete : berbijhote u berbizete

Pa des côps li sinse est pus rabaxhant (ou raptitixhant) ki çou ki l' cawete -ete pôreut dner.

On pôreut wårder troes cawetes/liveas : -ete, -ote, -ate

avou -ate foirt rabaxhant, et "nén productif" ?

... dji voe ki dins S177 (ki @Lucyin end est l' sipecialisse) i gn a foirt foirt sovént des dobletes -ete/-ate (metans glignète/glignate (clignete), cloyète/cloyate, cossète/cossate,...) mins, dins ces cas la, dji n' voe nén di -ate dins d' ôtes motîs; ça sereut-st adon èn "accint" coinrece.

On trouve ces "-ate" la eto dins S38 (c' est, dji croe, pol minme viyaedje); et pades côps S27...

Po "pixhate", å rdiviè, on l' trouve dins C8,C13,O4 (pichate) et come variante dins E1 (pihate); c' est nén djusse èn accint coinrece -ete > -ate, mins ene cawete diferinne a des plaeces wice ki -ete est lådjmint eployî

d' acoird po leyî deus mots ås sinses diferins po pixhete et pixhate, mins ça dveut esse ene foû-rîle. S 38, metans, tos les mots avou l' cawete -ate å Bork sont avou l' cawete -ete a Transene (S39); minme cayet po Fumwè (G152, sacwants rmetous dins S117).

Oyi, po S38 aveur -ate c' est normâ (et dins S117, ki rprind li (les) minme (-ès) plaece(s)); mins on rtrouve -ate a d' ôtes plaeces (come po pixhate), adon l' radjouter come mot a pârt.

I fârè vey kimint dispârti les sinses; dji rwaitrè dins C8, O4 et R13 al nute Dji n' a nén C13 po-z aler vey, et po S11 Lucyin est l' sipecialisse :-)

Dji pinse ki ça ireut come çoula po les 4 sinses ki sont dins l' DTW :

1. xhlé => dins les deus; avou ki pixhat est pus rabaxhant
2. "pissat" (xhlé des biesses... mins k' on trouve al tere, ou dins l' vexheye des biesses?) => pixhate
3. tene cafè (sins waire di gosse) => pixhete (sin. lapete); mwais cafè, avou on foirt gosse bén disgostant => pixhate
4. pareymint pol bire

çou ki fwait l' diferince, pinse dju, et do côp a mete dins l' definixha : l' odeur, "pixhate" çoula a seur ene foite odeur (et c' est eployî pa des biesses k' i gn a djustumint po mârker leu teritoire); "pixhete" ça n' sint nén vormint.

Tins k' dji sondje, pol cawete -ate kel sinse n' est nén bon u rabaxhant, i m' shonne ki c' est l' minme ki -ake k' on trouve dins : pèlake (C9) ~ pèlate (O4) : peleure.

Gn a eto dolate : onk, ene, ki s' plind d' awè må po on rén. Dji n' croe nén ki ça soeye -åd(e) dolåd come pixhåd.