Dji n' pou li spliker, mins avou Firefox et l' côde do lingaedje pol gåmès li contnou si mete todi avou ene fonte a pates (serif), minme si on-z a tchoezi ene fonte sins pate.
Avou Chrome il aparexhe sins. Dji n' voe nén çou k' i n' va nén. Ene idêye ?
Dji n' voe nole diferince (avou Firefox dizo Windows); dji rwaitrè al mâjhone dizo Linux po vey.
Est çki vos ârîz on sopoirt di lingaedjes speciâ dins l' sistinme d' operance ?
Dji n' croe nén, m' sistinme est tot frisse... Vla çou k' dji voe.
Dj' a l' minme hâynaedje avou Linux, dj' ô bén, li minme fonte po les cwate.
Dji n' a d' definixha d' fonte, dins l' côde html, ki pol "div" âtoû del djivêye a boles (et c' est djusse "font-family: sans-serif")
Li seule sacwè ki dj' pôreut vey, c' est k' Firefox ni cnoxhe nén les lignaedjes "lorg" et "org", et eploye li prémetowe fonte po les nén cnoxhous lingaedjes, ki sereut por vos diferinne del cene po les lingaedjes a alfabat latén d' Urope coûtchantrece ? Ene des sacwès ki dj' fwait c' est di mete li minme fonte (ou stîle di fonte) po tos les lingaedjes. Dji fwait çoula aprume pol djaponès, mins do côp, li prémetowe fonte est l' minme por mi.
Dins tchuzes Lingaedje et rivnance, fontes et coleurs; loukîz si vos avoz l' minme fonte di defineye pol fonte sins pates po les scrijhaedjes e-n alfabet latén, et po les "ôtes sistinmes di scrijhaedje"
Di fwqit, si dji candje le fonte po "ôtes sistinmes di scrijhaedje", djel voe diferinnmint po "org" et "lorg"
Vos av råjhon ! Si dji foice li fonte ele est l' minme po les cwate. Ké drole d' afwaire ! C' est surmint paski m' sistinme est tot frisse ki djel voe et k' dji nel veyeut nén gn a co kékes djoûs.
Gråces Pablo.
Oyi, c'est vormint drole, paski si dji mete on lingaedje ki n' egzistêye nén po seur abcdef djel voe eto sins pate. Ça n' aparexhe avou des pates ki si gn a l' mot org metans abcorgdef.
