Sujet sur Uzeu copene:Lucyin

Srtxg (copinercontribouwaedjes)

Dji rcandje scusyî => scussyî .

Les cognes V + -syi- sont vormint råles, et moens corants ki V + -ssyi-. (sol coridjrece i gn aveut k' on cas, scusyî, scuseyes (çou k' est clairmint cromb tot veyant l' deujhinme). Sol DTW, 13 avou -ssyi-, et 4 avou V + -syi- (scusyî, estasyî et Prusyin) (=> scussyî, estassyî, Prûssyin)

Lucyin (copinercontribouwaedjes)

* scuseye est flotchrece, do tins do rfondaedje do pårticipe erirece femrin sins -y- => scusieye

por mi son S /s/ + son yod /j/ => ON SEU S u C SINS CEDILE => Prûsyin; Lucyin; => estaesyî (bodje -taes-) [ki dji rfondreu sins l' dobe betchete es- => [etaesyî]

scusyî <> scussia, scussiaedje.

C' est bråmint pus simpe. Pocwè awè simplifyî po -cy- (end a ki scrijhnut -çy-) et rcompliker po -sy- ?

Srtxg (copinercontribouwaedjes)
pocwè awè simplifyî po -cy- (end a ki scrijhnut -çy-)

po -cy- i n' a pont di simplifiaedje; c' est insi k' on fwait cåzu totavå. Sol DTW i gn a k' on seu egzimpe di -çy- : (è)scuçyi [O2]. Et 38 mots avou -cy[aeiouâêîôûåäéèë]- (kékes mots ont disk' a cwate motîs diferins eployant -cy- + voyale; dj' ô bén, dji n' a nén conté, mins motoit bén etur 50-60 egzimpes avou -cy- + voyale, siconte onk tot seu avou -çy-

Adon, si dji cwire po des egzimpes di ç + i/e ( -ç[ieîêëéèy]- ); end aveut 9; mins tot rwaitant dins les motîs, end aveut 4 k' estént des arokes (måva ecôdaedje dins l' DTW). Do côp, dji m' dimande si les cenes ki dmorént sont djusse ou des flotches d' ecôdaedje eto...

  • assuçî [E34] => acertiné (motoit ene flotche d' imprimaedje; mins dins l' modêye papî c' est bén avou ç + î)
  • courçîr [E177a] => acertiné
  • pourçê [S109] => acertiné
  • dènonçeû [C1] => ?? a-z aveuri
  • èscuçyi [O2] => ?? a-z aveuri
Lucyin (copinercontribouwaedjes)

Tot rtuzant: ci n' est nén l' son yod, mins li lete "y" k' i gn a cial des rujhes avou. Est çk' elle est waiteye come ene cossoune u ene voyale?

Dj' a rtuzé eto a bôgyî & begyî <> bôguiaedje & beguiåd.

Adon, si vos estoz d' acoird, on pôreut fé ene rîle (k' i fåreut mete dins w:lete Y u dins w:cossoune): po les cossounes k' ont deus scrijhaedjes possibes (s & ss, c & ç, g & gu), on prind todi li pus simpe des cognes divant li lete Y.

Srtxg (copinercontribouwaedjes)

Dj' a shuvou l' pus corante (mins, avou ene tchuze ou l' ôte, c' est nén foirt corant di totes manires).

Dji pinse ki -ssyi- sereut tot l' minme li pus corant come sicrijhaedje spontané; tot simplumint paski les mots francès corespondants, cwand end a, sont-st avou "ss". (eg: Prussien).

Notez ki les cas c/ç, k/c, g/gu c' est nén parey; zels li diferince ces pad dvant "i" ou "e"; oudonbén ôte tchoi. po ss/s c' est "etur deus voyales" (nén djusse "e" ou "i"); "y" c' est ene dimeye voyale.

Lucyin (copinercontribouwaedjes)

Dins fr. Prussien, gn a nol "y". C' est comme "scussia", scussiaedje".

C' est po simplifyî l' shuvion -ssy- ki dji n' metreu k' on s. Mins ça n' candje nén grand mots. A vos d' vey cwè.

Loukîz li cogne li pus corante dins les motîs po "scusyî" (djusse les cognes avou Y) : scuçyi [O2]; scusyi [G209]; scussyi [C20] / èscuçyi [O2]; èscusyi [G209].

Avou ça ki G209, c' est l' Academeye ! Sovint, on a rsimplifyî leus cognes. Pocwè les rcompliker, ci côp cial?

Srtxg (copinercontribouwaedjes)

Mins l' pus corant dins les motîs c' est djustumint avou -ssyi-

Po scussyî c' est målåjhey a vey, li mot ni s' trouve dins nouk des motîs k' dj' a (et dins l' djivêye ki vos mostrez i gn a on motî avou -ssyi (C20), onk avou -syi (G209) et onk avou -çyi (O2); i n' a nén ene cogne "pus corante"; i gn a troes motîs et troes cognes.

Mins si on rwaite a "prûssyin", c' est on mot pus corant :

prûssyin [E1,E170]; prussyin [C8,FC99,O4]; Prussyin [S0]; prûssien [E34]; prûchin [E1] / prûssyène [E170]; prussyin.ne [F99]; prûssiène [E34]

cåzu tos les cis avou on son [j] eployèt -ssyin- (et l' seu ki c' et nén -ssyin- c' est -ssien-); 100% des cis avou "y" eployèt -ssy-. C' est clairmint "li cogne li pus corante" dins les motîs.

Lucyin (copinercontribouwaedjes)

Dji n' so cwanlminme waire tchôd po on shuvion *-ssy-. Por mi, li scrijha -ss- divreut rprezinter l' son /s/ fok inte deus voyales-letes. Ôtrumint on pout eto redåmer ene bate di dvizes po l' shuvion naziåle + lete s = son /s/, come *transsi, *Transsene / Transsine [dins TR1], *conssyince. Avou ça ki : vaila, li mier "s" est responsåve di mwais lijhaedjes (*tranzi, *Tranzine).

Li rfondaedje ni doet esse rashiou so li rwaitaedje des ancyins motîs ki si on a spoujhî ses mwaissès rîles. Djustumint, ene des mwaissès rîles (sicrîte dins onk des "Waldims" ?), c' esteut li rîle di l' economeye (2 letes valèt mî k' 3). C' est po çoula k' on a-st ataké li disfaflotaedje, so ene dimande da Lorint Hendschel e 1995 (si emile est rprins so onk des waldims), et abressî felmint l' atåvla Quertinmont (1997?) di disfaflotaedje des "è" divintrins. Si on åreut yeu shuvou les motîs...

Srtxg (copinercontribouwaedjes)

Po "transi", li prononçaedje avou /z/ est on prononçaedje possibe; mins, sortot, i n' a pont d' motî ki metèt transsi, vocial li djivêye : transi [C1,C99,E1,E145,E212b,O0,O4,R13,S117]; tranzi [E1,E34,E170,S0]

D' acoird ki -sy- c' est ene lete di moens ki -ssy-; mins on pôreut dire li minme po -ch- eneviè -tch- et -g- eneviè -dj-. Portant on-z a wårdé Lidje et Tchô, purade ki di rfonde Lige et Chô; pocwè ? Dji pinse ki c' est l' minme sacwè po prûssyin; on wangne rén a candjî ci scrijhaedje la (et neni, wangnî ene tchôke sol taprece les råles côps ki l' mot aparexhe n' est nén ene wangne).

Dj' ô bén, sol principe ene tchuze ni våt nén mî k' l' ôte; ene a por leye k' i gn a ene lete di moens a taper, mins l' ôte a por leye ki c' est çou k' est fwait pa cåzu tot l' monde, ey eto çou k' est fwait e francès po les mots corespondants (dji pinse ki c' est nén po rén k' tos les motîs fijhént del minme manire, c' est paski c' est insi e francès, do côp, cwand les diccionairîs ont vlou scrire li mot et nén esse seurs di cwè fé, il ont shuvou çou k' il estént adûts a fé; et c' est ossu çou k' arivrè (neni, çou k' arive) avou les scrijheus e rfondou.

Sol DTW i gn a 18 dsifondowes avou V-ssy-V; 6 disfondowes avou V-sy-V; so ces 6 la, 4 c'est des alw, 1 c' est on son /z/; i n' dimeure k' on seu egzimpe di V-sy-V atesté; c' est on noûmot di R9 ...

Répondre à « shûte -(s)syi- »