Come on scrît dijh, dijh-ût (avou loyaedje dins l' prononçaedje), mins di-set (pont d' loyaedje), dji m' dimande s' i fåt scrire shijh-cints u shi-cints ; shijh-meye u shi-meye ?
Dins O4 on trouve chîz’ avou chî (divant cossoune) ; divins C9 on trouve chîje avou chî (divant cossoune), evnd.
Dji sereut po shure çou k' est dis l' croejhete da Lorint :
... 17 dîjh-set ... Å pus sovint, li dierinne cossoune di shîjh, dîjh, hût et vint ni s' ôt nén si ces chifes la siervèt di prézintreces po on no k' atake avou 'ne cossoune.
D' ostant pus cåze do çou k' est metou di rawete dins l' grande croejhete :
Cette alternance est identique à celle du français. L'orthographe normalisée, comme l'orthographe française, ne note pas cette alternance; dans le système de transcr. phonétique Feller le fait généralement.
E 2001 (cwand ci tecse la a stî scrît), po l' oteur todi, l' idêye esteut di scrire todi del minme manire, li prononçaedje candjant sorlon l' contoû. Çou ki n' est nén sbarant, la ki c' est l' cas eto po ds ôtes mots walons (come "vs" par egzimpe, prononcî /vz/ ou /f/), et, po les nombes, pår li minme k' e francès.
Do côp, i fåreut purade r-erîler "di-set" e "dijh-set" (dj' a les pinses ki "di-set" ç' a rtrové scrît insi pask' on n' mete måy dins les motîs ki les nombes pus ptits k' cint ou vint (on n' fwait nén des intrêyes po "shijh-cints" et co moens "shijh-cints cwarante-et-troes"; et ki dins ces nombes la pus ptits k' cints, c' est l' seu cas d' on nombe k' atake avou "shijh", "ût" ou "dijh" shuvou pa ene cossoune).
A vey avou Lucyin mins mi ça m' va foirt bén !
Dji voe k' vos scrijhoz : "shijh-cints cwarante-et-troes". E francès, on scrît : "deux cents", mins "deux cent deux" (sins S) (sourdant). Oniesmint, si dji cnoxhe el rîle e francès, dji nel a måy comprins... Mins po çou k' est do walon, on fwait cwè, on shût l' francès ?
Dji n' saveu nén ki c' esteut insi e francès (dji pinséve ki l' singulî esteut eployî po djåzer do nombe lu minme (le numéro six cent quarante deux), la k' i gn a k' onk; mins l' pluriyal pol nombe di sacwès contêyes (il y a six cents quarante deux machins) (li rîle des loyeures, leye, dji n' l' a måy vormint compris).
E castiyan c' est "cien" pol cintinne, mins a pårti d' 200 c' est pluriyal "cientos".
En itålyin c' est todi invariåve "cento".
Sol Wikipedia, c' est todi singulî avou des dijhinnes ou unités pa drî; todi pluriyal si c' est djusse des cintinnes. Come conte-egzimpe dj' end a trové k' deus :
mile noûf cints ûtante cénk cial (PS: ça sereut meye nouv ... e rfondou d' asteure) traze cints et doze cial
Mins po ç' dierin, i gn a on "et" (mins d' èn ôte costé, on î lét eto dijh-ût cint et ûtante-ût...)
Après aveur cwerou et veyou tot çoula, dji pinse ki l' mî sereut di leyî "cint" invariåve cwand c' est on boket d' on nombe (shijh cint cwarante, deus meye shijh cint, li pådje deus cint); et pluriyal cwand on conte les cintinnes (deus cints, troes cints); eto cwand les cintinnes eyet les dijhinnes/unités sont après on "et/eyet" (shijh cints et cwarante).
Parey po "meye" (deus meye cwate; deus meyes sacwès, l' an deus meye).
Come e francès dabôrd ?
P.S. dins l' grande croejhete da Lorint, on trouve a costé di "dîjh-set", "di-setinme" (7.2 Les Ordinaux) => dijh-setinme ?
Ha! vola k' çou k' on pinséve simpe ni l' est pus...
di-set / di-setinme / di-setinne a por lu k' il a ddja stî scrît insi a bråmint des plaeces.
Sol Wikipedia i gn a deus côps "shî cints" (Frantchimontwès); tos ls ôtes cas c' est "shijh" (etur zels: Si shijh cint swessante-shijh cinsîs suçrént so shijh cint swessante-shijh såcissons sins såce, ci sereut shijh cint swessante-shijh sots cinsîs; ki shût, mi shonne-t i, les rîles di pluriyal et d' loyeure do francès)
On pôreut vey "di-set" come ene foû-rîle ene miete come "saze".
(po 643, dji prononce /siçsɛ̃.kwaʀãt.ˈtʀøː/, et po 17 /diçsɛt/ (dj' ô bén dji prononce avou ene coûte voyale mins wåde li cossoune (mins pus fwebe ki si dj' di 6 /siːh/ ou 10 /diːh/ tot seus), purade ki piede li cossoune mins wårder l' longowe voyale; mins dji n' såreu dire si c' est djusse on måva prononçaedje da minne ou si dj' l' a vormint oyou insi d' ene sakî.)
