Bondjoû Pablo,
Dj' a ritrové l' sourdant R1, k' esteut l' ancyin DTW (virpus l' prumire varyisté, pinse-dju). Ploz-vos m' dire, si les mots rfondous ki sont didins sont todi bons, seuxhant k' el sourdant date del atake do rifondaedje?
Amiståvmint,
Èl-Gueuye-Noere
Li rfondou n' egzistéve nén co (come on l' kinoxhe asteure) adon (li Module:Sourdant/R1 el discrît bén come rifondant-Feller); i gn aveut djusse on cmince d' årmonijhaedje (avou ch (po ch et xh et sch do rfondou), -adje (po -aedje)). Eto, po rinde pus åjhey les cweraedjes, i gn aveut tot plin d' cognes diferinnes di redjiblaedje)
On n' pout nén vormint dire k' i gn aveut-st adon ene volté d' eployî des "cognes di referince". C' esteut purade on (nouzome! so plaketes, et tot lijhant des motîs so papî) ovraedje di mexhnaedje, rashonner les diferins motîs po mete eshonne les mots ki sont les minmes. Eto, i vs fåt dire k' a ç' tins la, c' esteut foirt foirt målåjhey di trover on diccionaire walon, les cis k' avént stî eplaidîs davance estént spoujhîs, li replaidaedje di E1 ni serè fwait k' ene boune dijhinne d' anêyes pus tård; S0, C99, C64 n' egzistént nén co; nerén li croejhete da Lorint; et n' tuzans nén ddja a R13 et les waibes...
Dji n' sai nén si c' est ene ledjinde ou nén, mins dj' a-st oyou ki les prumîs foyous estént vormint des foyous, dj' ô bén, scrîts so papî (al mwin, ou télfeye al machine a scrire mecanike). Poy i gn a yeu on grand ovraedje di rcopiaedje po taper tot çoula so copiutrece (avou des cognes di fitchîs et ds ecôdaedjes di caracteres diferins etur Apple, DOS, et Windows; ricpoiaedje so fitchî tåvleu, mins totes les racsegnes n' î ont nén plou esse copieyes, et i dmeure sol costé co des fitchîs *.mmo a rcopyî...
Poy eviè ls anêyes 2000 Lorint Hendschel meta çoula pol prumî côp so ene båze di dnêyes SQL k' on poleut cweri sol Daegntoele (po les cis ki cmincèt a s' î poleur raloyî).
Ci n' est k' etur 2006 et 2010 ki l' contnou (mots vudete eyet fråzes d' egzimpe) a stî riscrît sorlon li scrijhaedje do rfondou (a grands côps d' replaeçmints otomatikes po cmincî, poy èn ovraedje di verifiaedje pa familes); tot n' est nén co fwait, et i dmeure surmint des flotches did ci ou d' la.
"R1" n' est nén interessant come "sourdant" d' ortografeye (çoula n' l' a måy sitî, c' esteut purade on metaedje eshonne des vraiys sourdants, po-z aveur pus åjhey a bouter, copurade po les cis ki n' avént nén accès a ces sourdants la); mins c' est on trezôr istorike po les cis ki s' vôrént fé ene idêye di l' ovraedje di ç' tins la.
