Bondjoû Pablo,
Pol moumint sol DTW li rfondowe c' est acovri, mins dji m' dimande s' on n' divreut nén prinde ascovri (u bén les deus come po abåbli ?). E vî francès c' esteut escovrir avou l' betchete latene ex- (*exc(o)operire), come divins : esprover > éprouver (asprover, esprover) ; esbleuir > éblouir (asblawi).
Çou n' est nén l' minme S ki dvins aspoyî et asplati (O4), nén etimolodjike paski çou n' est nén ad- + ex- + viebe, come divins asmete : ad + ex + mittere (comincî a *esmete, avou spotchaedje di ex-). On trouve eto (sins S) apoyî (E1) et aplati (E1).
Mins on trouve eto des contregzimpes, metans : esclairier > éclairer (aclairi). Gn a eto asclairci mins ké voye k' il a prins, ça dji nel sai nén. Motoit ki gn a maxhaedje avou l' betchete a- (fé, rinde) : aclairi rinde clair, ey adon acovri rinde covrou ? Dji nel pou-st acertiner.
Divins l' FEW 23 164b on n' trouve ki l' årdinwès ascouvier (nén dvins S0).
Dji n' sai nén si gn a ddja yeu on decidaedje la dsu, dji n' a rén trové so Berdelaedjes.