Sujet sur Uzeu copene:Lucyin

Bondjoû Lucyin,

Dj' a veyou ki Johan Viroux aveut askepyî on motî da lu avou ès-n' ortografeye (k' est al mitan etur li sistinme Feller eyet li rfondou). Totfeye, i n' est nén scrît ene sadju dins l' djivêye. Ça sreut azår on limero Gxxx ?

Amiståvmint,

Èl-Gueuye-Noere

Mmm, dji pinseu k' c' esteut on rcopiaedje di FG1 (Walo+) mins gn a des diferinces. Metans, dins FG1 li scrijha aî n' est nén rprins : fêt, fét (fwait) mins dins l' motî Viroux il est rprins : faît

• qui fét du bén / qui fêt do bin (FG1, deus cognes)
• qui faît do bin (1 cogne)

I nos fåt don èn ôte limero, FG2 ? (avou F come c' est on franwal)

Mins, sins voleur l' ataker, dji nel conoxhe nén, i m' shonne ki Johan n' est nén foirt oniesse, pask' il a rpins mot a mot çou k' on trouve dins l' divant-z-ouve (i manke sacwants ptits bokets) et l' adrovraedje di FG1 da Willy Bal (1992), tot-z eployant l' alomåcion « Walo+ » po s' motî. Aveut i ls abondroets po l' fé ?

Dji voe eto k' il a cmincî a rseatchî evoye dins les mots ki cmincèt pa A tot çou ki n' est nén namurwès. Metans, dins F. abricot gn a pus k' aubricot. Les cognes åbricot et abricot n' î sont pus.

@Reptilien.19831209BE1 :

« Dji voe eto k' il a cmincî a rseatchî evoye dins les mots ki cmincèt pa A tot çou ki n' est nén namurwès. Metans, dins F. abricot gn a pus k' aubricot. Les cognes åbricot et abricot n' î sont pus. »

• Dji n' sai nén s' il les a rsaetchî evoye. Li waibe est eplaidî, mins i shonne esse bråmint e boutaedje. Gn a des seccions k' ont stî metowes so pî mins eles sont todi vudes, disk' asteure. Metans, li croejhete do lingaedje picård.

« Mins, sins voleur l' ataker, dji nel conoxhe nén, i m' shonne ki Johan n' est nén foirt oniesse, pask' il a rpins mot a mot çou k' on trouve dins l' divant-z-ouve (i manke sacwants ptits bokets) et l' adrovraedje di FG1 da Willy Bal (1992), tot-z eployant l' alomåcion « Walo+ » po s' motî. Aveut i ls abondroets po l' fé ? »

• Come di djusse, c' est mo riscant s' i n' a nén yeu les abondroets po. Totfeye, I m' shonne ki Johan Viroux est so Facebook ey Instagram. Dji pinse l' awè ddja evoyî on messaedje, on côp. Dji vou bén sayî d' vir avou lu, s' i vs el vloz ?

C' est lu k' aveut-st ataké li "w:djivêye des motîs do walon". I boute ladsu dispu 1990, pol moens (aveut-st ataké avou Lorint et Tiri Dumont, mins todi wårder si ovraedje por lu tot seu). On î rtrouvrè dazår des noûmots foirdjîs pa s' pa, Rodjî. Metans: on årè on rahouca-motî po gråces (k' i wåde å singulî):

merci : nm et adv grâce, mèrci ; merci beaucoup, mèrci bran.mint dès côps, cint côps grâce (on aveut des rujhes po "merci beaucoup" avou "gråces"; c' est mî ki "bén des gråces" u "gråce bråmint des côps".

ça a l' air bén ossu po on "franwal di candjmint di stîle", come li ci Chantal Denis: avec lui il n’y a pas lieu de craindre la mélancolie, c’ è-st-on gaîy. Po les cminceus, ci serè clapant (li motî Denis, FC99 est todi dins les dresses, cial, so deus troes clitchaedjes...)

Taiss k' oyi : dj' el mete come FG02 dins w:Motî_francès-walon#Totès_coines

Pol walfran, dj' el metrè sol djivêye des motîs. I mete tos les sinonimes, et wårder les H lidjwès po les mots d' Lidje:

creûhelåde nf (e) carrefour, cf crwèjelaude, syn. crwèsemint, crwèsia, quate-tchimins

walfran metou dins l' djivêye dizo limero G106