adresse

Walon (Rifondou)

Prononçaedje

• AFE :
  • diferins prononçaedjes : /a.ˈdʀɛs/
  • prononçaedje zero-cnoxheu : /a.ˈdʀɛs/
• Ricepeures : a·dresse

Etimolodjeye 1

Eprontaedje do francès « adresse » (minme sinse), lu-minme svierba di « adresser ».

Sustantif

singulî	pluriyal
adresse	adresses

adresse femrin

1. edroet la k' on djîsse est eredjistré avou l' no del rowe et l' limero.
   • On n' såreut lére ciste adresse la, elle est trop må scrîte. — Motî Forir (fråze rifondowe).
   • Ni drovoz måy ene lete ki n' est nén a voste adresse. — Motî Forir (fråze rifondowe).
   • Mete l' adresse so ene lete. — Motî Haust (fråze rifondowe).
   • L' APRINDISSE (sol soû, lijhant l' adresse). - Est ç' par cial ? …
     TÅTÎ. (tot lyi prindant l' gazete foû des mwins) - Awè, m' fi, merci co cint feyes !
     L' APRINDISSE (a pårt tot ndalant). - Avou çoula … et ene pîce, dj' irè bén boere on dmey
     Amon Miyin. — Édouard Remouchamps, Tåtî l’ Pèriquî, 1884, Ake I, Sinne X, v. 177-179 (fråze rifondowe).
   • (Dins les saetchs ås mannestés tapés a målvåt et k’ on controle li contnou), vos n’ avoz k’ a mete l’ adresse do borguimwaisse. — Marcel Slangen (fråze rifondowe).
2. (éndjolike) hårdêye la k' on site si trouve.
   • Li cåzaedje et l’ muzike sont da Mimile; li tchanson est schoûtåve so videyo a l’ adresse http «…» — Lucyin Mahin.

Parintaedje

• adresser

Ortografeyes

Divant 1900 :

• adress : E177a ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• adrèsse : C1, C8, E1 ^(lére), E21, E34, S0
• adrèce : E145

E rfondou walon :

• adresse : R10 ^(lére), R13

Ratournaedjes

edroet la k' on djîsse est eredjistré avou l' no del rowe et l' limero

• Francès : adresse ^(fr)

hårdêye la k' on site si trouve

• Francès : adresse ^(fr)

Codjowas

adresse

1. indicatif prezintrece, prumire et troejhinme djins do singulî, do viebe « adresser ».
   • Cant ås mots k' l' efant lzî adresse,
     Les meres seulmint les comprindèt. — Martin Lejeune, Œuvres lyriques du poète wallon Martin Lejeune, p.143, « Dâr iviêr po lès p’tits pîkèts » (fråze rifondowe).
   • Ca mi, veyoz vs, cwand dj' a l' idêye do boere,
     C' e-st å cåvlî ki dj' m' adresse tot fén droet ;
     Mins l' ci ki m' ôrdoner on coyî totes les deus eures,
     Dji m' endè moque et dj' vike awoureus. — Louis Lagauche, Amon nos autes, tchansons tchusèyes, (1908-1912), «On filosofe» p.96 (fråze rifondowe).
2. suddjonctif prezintrece, prumire et troejhinme djins do singulî, do viebe « adresser ».
3. kimandeu prezintrece, deujhinme djin do singulî, fôme camaerådrece, do viebe « adresser ».

Etimolodjeye 2

Bodje vî francès « adrece », minme sinse et minme etimolodjeye ki « adiece ».

Sustantif

singulî	pluriyal
adresse	adresses

adresse femrin

1. estance d' esse adroet.
   • Il est d' ene adresse sins parey. — Motî Haust (fråze rifondowe).
   • Fé ene sacwè avou adresse. — Motî Haust (fråze rifondowe).
   • DEUJHINME VIJHÉN. T' as surmint vnou å monde på djoû do Bon vénrdi ?
     TROEJHINME VIJHÉN. - Bén, t' årès fwait t' fôrtune sins trop ti casser l' tiesse !
     CWATRINME VIJHÉN. - Çoula ... il a-st avou pus d' bouneur ki d' adresse !
     PRUMÎ VIJHÉN. - I s' tapreut dvins on pousse k' i vénreut foû ! — Édouard Remouchamps, Tåtî l’ Pèriquî, 1884, Ake I, Sinne XIV, v. 362-365 (fråze rifondowe).

Parintaedje

• Loukîz a : « adroet »

Mots d’ aplacaedje

• toû d’ adresse

Sinonimeye

• adjetijhe

Ratournaedjes

estance d' esse adroet

• Francès : adresse ^(fr), habileté ^(fr)