aflidjî

Walon (Rifondou)

Etimolodjeye

Tayon-bodje latén « affligere », avou l’ cawete di codjowaedje « -î » des viebes.

Prononçaedje

• AFE :
  • diferins prononçaedjes : /a.flɪ.ˈd͡ʒiː/ /a.flɪ.ˈd͡ʒe/ /aflɪ.ˈd͡ʒɪ/
  • prononçaedje zero-cnoxheu : /a.fli.ˈd͡ʒiː/
• Ricepeures : a·fli·djî

Viebe

Djin et tins	Codjowa
Cåzant Ind. pr. (dji, dj’)	aflidje
Atôtchî(s) Ind. pr. (vos, vs)	aflidjîz
Cåzants Ind. pr. (nos, ns)	aflidjans
Rwaitants Ind. pr., nam. (i/il, ele/elle)	aflidjnut
Cåzant Ind. fut. (dji, dj’)	aflidjrè
Cåzant D.I.E. (dji, dj’)	aflidjive
Cåzant Suddj. pr. (ki dji, dj’)	aflidje
pårt. erirece (dj’ a, vos av)	aflidjî
Ôtes codjowaedjes	come waitî

aflidjî

1. (viebe å coplemint) rinde anoyeus.
   • Si måleur m' a fameuzmint aflidjî. — Motî Forir (fråze rifondowe).
2. (viebe å coplemint) (mot d’ medcén) fé piede l' uzance d' on mimbe, di s' santé.
   • Li Bon Diu m' a-st aflidjî d' ene måle djambe, d' ene maladeye ki n' mi lait nole eure di bén. — Motî Haust (fråze rifondowe).
   • Il a tot fwait po-z aflidjî ses parints.
3. (viebe å prono) (v. å coplemint nén direk eployî avou li dvancete « di ») rissinti del poenne po ene sacwè.
   • S’ aflidjî del moirt di s' mame. — Motî Forir (fråze rifondowe).

Parintaedje

• aflidje
• aflidjant
• afliccion

Sinonimeye

rinde anoyeus

• acåbler
• asprover
• mete so les strins
• rascråwer

rissinti del poenne po ene sacwè

• si dilårminter
• si diloujhî

Ortografeyes

Divant 1900 :

• aflijî : E203 ^(lére)
• afflidgî : C9a ^(lére)
• afligi : E177a ^(lére)

Après 1900, foû rfondou (Feller, Feller ricandjî, nén Feller) :

• aflidjer : S17
• aflidjî : C9, E1 ^(lére), E21, E34, O4, O90
• aflidji : C1, C8, C13, S0

E rfondou walon :

• aflidjî : R10 ^(lére)

Ratournaedjes

rinde anoyeus

• Francès : affliger ^(fr), attrister ^(fr), éprouver ^(fr), accabler ^(fr)

fé piede l' uzance d' on mimbe, di s' santé

• Francès : affliger ^(fr), diminuer ^(fr), estropier ^(fr)

rissinti del poenne po ene sacwè

• Francès : s’affliger ^(fr), s’attrister ^(fr), prendre pitié ^(fr)

Pårticipe erirece

aflidjî (nén candjåve)

1. Pårticipe erirece do viebe « aflidjî ».

Addjectif

	singulî	pluriyal
omrin	aflidjî	aflidjîs
femrin padrî	aflidjeye	aflidjeyes
femrin padvant	aflidjeye	aflidjeyès

aflidjî omrin (come addjectif djondrece, metou padvant u padrî l’ no)

1. (mot d’ medcén) ki n' pout pus fé aler tos ses mimbes.
   • Il e-st aflidjî d' ene måle djambe. — Motî Haust (fråze rifondowe).
2. foirt peneus.

Sinonimeye

onk ki n' pout pus fé aler tos ses mimbes

• accidinté
• halcrosse
• mesbridjî
• mezalé
• stroupyî

Ortografeyes

Divant 1900 :

• aflijî, aflijèie : E203 ^(lére)
• afflidgî : C9a ^(lére)

Après 1900, foû rfondou (Feller, Feller ricandjî, nén Feller) :

• aflidji, aflidjîye : C8
• aflidjî : C9, E21, E34, O5
• aflidjî, aflidjèye : E1 ^(lére)
• aflidji : C1, C13, S0

E rfondou walon :

• aflidjî, aflidjeye : R10 ^(lére)

Ratournaedjes

ki n' pout pus fé aler tos ses mimbes

• Francès : infirme ^(fr), estropié ^(fr), impotent ^(fr), handicapé ^(fr)

Sustantif

singulî	pluriyal
aflidjî	aflidjîs

aflidjî omrin

1. onk ki n' pout pus fé aler tos ses mimbes.
   • Assister les pôves aflidjîs ki n' ont pus ni bresses ni djambes. — Motî Forir (fråze rifondowe).
   • Måy li grandeur ni lyi fjha tourner l' tiesse,
     Et s' cour sonnéve tot veyant èn aflidjî. — Louis Lagauche, Amon nos autes, tchansons tchusèyes, (1908-1912), «Divrè-dj’ à m’toûr ?...» p.74 (fråze rifondowe).
2. onk foirt peneus, mizeråve.

Sinonimeye

onk ki n' pout pus fé aler tos ses mimbes

• accidinté
• halcrosse
• mesbridjî
• mezalé
• stroupyî

onk foirt peneus, mizeråve

• creve-mizere
• målureus
• pôve here
• pôve mimbe di Diu
• pôvriteus
• xhalé

Ratournaedjes

onk ki n' pout pus fé aler tos ses mimbes

• Francès : infirme ^(fr), estropié ^(fr), impotent ^(fr), handicapé ^(fr)

onk foirt peneus, mizeråve

• Francès : misérable ^(fr), miséreux ^(fr), affligé ^(fr)