amuzmint

Walon (Rifondou)

Etimolodjeye

Do viebe « amuzer », avou l’ cawete « -mint ».

Prononçaedje

AFE :
- diferins prononçaedjes : /a.myːz.ˈmɛ̃/ /a.myz.ˈmɛ̃/ (minme prononçaedje cåzu pattavå)
- prononçaedje zero-cnoxheu : /a.myːz.ˈmɛ̃/
Ricepeures : a·muz·mint

Sustantif

singulî	pluriyal
amuzmint	amuzmints

amuzmint omrin

ocupaedje ki fwait plaijhi.
- Veyoz vs la, divant vos, ebén, estént pindous å meur, avou des gros stoks, des tåvleas avou des bokets d' havroûle åddivant po n' nén vey sonner les pôves goreas ki siervént d' amuzmint ås efants. — Toussaint Brahy, Toussaint Brahy, œuvres wallonnes posthumes, Ine Copenne so Beaufils, 1887, p.41 (fråze rifondowe).
- Adiu, les belès porminådes,
  Les fiesses et tos leus amuzmints ;
  Ås longuès shijhes, inte camaerådes,
  I fåt rcweri des ôtes passe-tins. — Jean Dessard, D'ine cohe so l'aute, 1939, p.44, Vochal l’ivièr (1900) (fråze rifondowe).
- Ele ni vont nén leyî leu manaedje et leus omes tot féns seus po cori les amuzmints, edon, surmint ? — Henri Simon, «Janète» divins «Quatre comédies liégeoises» da Jean Haust (1936), 1911, p.112 (fråze rifondowe).
- Ces mwaisses ovrîs walons la n’ avént waire d’ amuzmints, lon erî d’ tot, dins les plins do Donetz — Lucyin Mahin, Vera.
sintimint di djoye do fé ene sacwè ki ns ahåye.
- Si flûte, c' est tot si amuzmint. — Motî Forir (fråze rifondowe).
- Nos ptits cårpeas, tot ridant-st el corote,
  Si dviertixhént sins co djamåy sondjî
  Ki l’ amuzmint, so cisse limiante erote,
  Seme åtoû d’ zels li pus grand des dandjîs. — Joseph Vrindts, Pâhûles rîmês, (1897), «Loukîz d’vant vos», p.116 (fråze rifondowe).
- Puski l’ afwaire est bén tournêye
  Rovians les poennes di cisse djournêye
  Et n’ tuzans pus k’ a l’ amuzmint
  Ki nos årans londi ki vént. — Louis Lagauche, Cåse d'on comichonaire, 1904, p.48 (fråze rifondowe).
- Sayîz don do prinde on pô d' amuzmint u vs alez bén seur mori d' anoymint. — François Duysinx (fråze rifondowe).