assurer

Walon (Rifondou)

Etimolodjeye

Eprontaedje do francès « assurer » (minme sinse), avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /a.syː.ˈʀe/ /a.sy.ˈʀɛ/ /a.søː.ˈʀe/ /a.sy.ˈʀe/
  • prononçaedje zero-cnoxheu : /a.sy.ˈʀe/
• Ricepeures : a·ssu·rer

Viebe

assurer

Djin et tins	Codjowa
Cåzant Ind. pr. (dji, dj’)	asseure
Atôtchî(s) Ind. pr. (vos, vs)	assurez
Cåzants Ind. pr. (nos, ns)	assurans
Rwaitants Ind. pr., nam. (i/il, ele/elle)	assurnut
Cåzant Ind. fut. (dji, dj’)	assurrè
Cåzant D.I.E. (dji, dj’)	assuréve
Cåzant Suddj. pr. (ki dji, dj’)	asseure
pårt. erirece (dj’ a, vos av)	assuré
Ôtes codjowaedjes	come durer

1. (viebe å coplemint) prezinter on fwait come li vraiy.
   • On m' a-st assuré dinltins k' i valeut mia rire ki d' braire. — Félicien Barry (fråze rifondowe).
   • Mi, s’ on poleut fé des siermints, dji raetchreu mi åme, la, divant vos, po vos assurer ki dji so vraiymint asblawi des belès imådjes: kés beas portraits di l’ Argayon et di s’ famile! — Michel Renard.
   • Ké hôte acopernêye; end a des deus costés; Dji t' asseure ki ça tént; dispu k' il a rdjalé, Les bloks sont cûts eshonne; ça n' pout seur må d' croûler ! — Louis Piron (fråze rifondowe).
2. (viebe å coplemint) (mot d’ economeye) payî po covri ene djin, ene sacwè si d' atoumance lyi arivreut ene sacwè.
   • Fé assurer s' måjhone. — Motî Forir (fråze rifondowe). & — Motî Haust (fråze rifondowe).
   • C' est åk, saiss, d' esse assuré conte les accidints. — Motî d’ Bastogne, a "accidint" (fråze rifondowe).
3. (viebe å prono) : Loukîz a : « s’ assurer ».

Ratourneures

1. dji vs asseure, dji vs l' asseure : creyoz m’.
   • Çoula est vraiy, dji vs ènn asseure. — Motî Forir (fråze rifondowe).
   • O ! Dji vs asseure, si dj' divneu miyonaire,
     Dji vs ripaxhreu sins fé ratinde mi toû ;
     Et dvins nos shijhes, adon, po nos bén plaire,
     Les meyeus véns frént låtchî les discours. — Jean Dessard, D'ine cohe so l'aute, 1939, p.138, Tchanson d' tåve : Inte lès-åsses èt lès pots (1936) (fråze rifondowe).
   • A si on djoû di dvénreu ritche
     Dji vs l' asseure, dj' åreu do plaijhi.
     Mi k' est si sovint mirlitche,
     Dji m' è dinreut, c' est mi k' vos l' dit. — Léon Antoine (fråze rifondowe).

Parintaedje

• assuré
• assurance
• assuråve
• assureu
• assurémint
• assurêye

Sinonimeye

prezinter on fwait come li vraiy

• acertiner

Mots vijhéns

prezinter on fwait come li vraiy

• djurer
• promete

payî po covri ene djin, ene sacwè si d' atoumance lyi arivreut ene sacwè

• waeranti

Ortografeyes

Divant 1900 :

• açûré : E203 ^(lére)

Après 1900, foû rfondou (Feller, Feller ricandjî, nén Feller) :

• asseûrer : O0, O2, O3, O4
• assûrer : E1, E21
• assûrè : C1
• assurer : E34
• assurè : C8

E rfondou walon :

• assurer : R10 ^(lére)

Ratournaedjes

prezinter on fwait come li vraiy

• Francès : assurer ^(fr), confirmer ^(fr)
• Neyerlandès : bevestigen ^(nl), verzekeren ^(fr)

payî po covri ene djin, ene sacwè si d' atoumance lyi arivreut ene sacwè

• Francès : assurer ^(fr)
• Neyerlandès : verzekeren ^(nl)