betcheye

Walon (Rifondou)

Etimolodjeye

Bodje « betch », avou l’ cawete « -eye ».

Prononçaedje

• AFE :
  • diferins prononçaedjes : /bɛ.ˈt͡ʃɛj/ /bɛ.ˈt͡ʃɛːj/ /bɛ.ˈt͡ʃeːj/ /bɛ.ˈt͡ʃiːj/ /bɛ.ˈt͡ʃi/
    • (pa picårdijhaedje) /bɛ.ˈkeːj/
  • prononçaedje zero-cnoxheu : /bɛ.ˈt͡ʃɛj/
• Ricepeures : be·tcheye

Sustantif

singulî	pluriyal
betcheye	betcheyes

betcheye femrin

1. cwantité d' nouriteure ki pout moussî dvins on betch (sortot po èn oujhea nouri ses djonnes).
   • Ele si netia pal colidôr et pal poice, ossu vite ki l' aronde a dné l' betcheye a ses djonnes el sovronde do toet. — Martin Lejeune, "Œuvres lyriques du poète Martin Lejeune" p. 115, "L'infifélité d' Catrène".
   • Avou ene boune betcheye, li grijhe fåvete si winne divins les bouxhons. — Léon Demarche (fråze rifondowe).
   • Tofer, li sprewe poite li betcheye A s' nitêye måy fornoureye. — Bernard Louis (fråze rifondowe).
2. pitite cwantité d' amagnî.
   • Cial å banket, dj' a bon do vey,
     Mi vijhén ki raletche ses plats,
     Sol tins k' dji lumcene ene betcheye,
     Et k' dj' endè lai co l' mitan la. — Jean Bury, Joyeux rèspleus (1899), "Ji sos trop p'tit magneu" (fråze rifondowe).
   • Mågré tot, il atome ki l’ pere el manceye do mantche di s’ coutea inte deus betcheyes, et ki l’ mere groumtêye : « Vos åroz des efants, ossu ! » — Arthur Xhignesse, « Boule-di-Gôme », 1912, p.6 (fråze rifondowe).
   • Dji n' vou nén di ç' pexhon la; Deus betcheyes et dji rnake ! :: Magne çou k' t' as, T' es-st on on ptit harlake ! — Marcel Slangen (fråze rifondowe).
3. (amagnî) boket d' pwin trimpé dvins èn oû a mitan cût.
4. (mot d’ pexheu) sacwè k' assaetche on pexhon k' on vout-st apicî.
   • LIZA. -Ni vnoz nén co avou tos vos flairants sacwès so m' prôpe tåve, savoz !
     DJÅKE. -Flairants sacwès ? C' est des betcheyes, des viers, do froumadje, del påsse, do sonk… — Joseph Mignolet, "Milionêre !" (1934), p.3-4 (fråze rifondowe).

Ratourneures

1. ene betcheye
   • Après tot, il a bén l' droet d' s' amuzer ene betcheye, emn ome, après ene djournêye sitampé sins moufter — Christian Quinet (fråze rifondowe).
2. ni fé k’ ene betcheye di.
   • Ci-la, i n’ freut seur k’ ene betcheye do Grand Napoleyon ! — Joseph Mignolet, « Al Bèle Fontinne », comèdèye di treûs akes, 1924, p.15 (fråze rifondowe).

Sinonimeye

pitite cwantité d' amagnî

• gueuyêye
• hagna
• hagnon

pitite cwantité

• gote
• miete
• rawete

sacwè k' assaetche on pexhon k' on vout-st apicî

• amoice

Dizotrins mots

sacwè k' assaetche on pexhon k' on vout-st apicî

• avoenne
• froumadje
• påsse
• sonk
• tchene
• vier

Ortografeyes

Divant 1900 :

• bechèie : E203 ^(lére)
• becheie : E89 ^(lére), E177a ^(lére)
• bechi : E212 ^(lére)

Après 1900, foû rfondou (Feller, Feller ricandjî, nén Feller) :

• bètchêye : E34
• bètchîye : C1, C8, C13, O0, O2
• bètchéye : O4
• bèkéye : O3
• bètchîe : C9
• bètchèye : E1

E rfondou walon :

• betchêye : R10 ^(lére)

Ratournaedjes

cwantité d' nouriteure ki pout moussî dvins on betch (sortot po èn oujhea nouri ses djonnes)

• Francès : béquée ^(fr), becquée ^(fr) de nourriture

pitite cwantité d' amagnî

• Francès : bouchée ^(fr), petite quantité d'aliments

boket d' pwin trimpé dvins èn oû a mitan cût

• Francès : mouillette ^(fr), trempette ^(fr), boulette de fromage gras

pitite cwantité

• Francès : petite quantité, petite durée, un peu ^(fr)

sacwè k' assaetche on pexhon k' on vout-st apicî

• Francès : appât ^(fr), amorce ^(fr), pâture ^(fr) pour prendre le poisson