crikion

Walon (Rifondou)

Mot-brut « krik », avou l’ dobe cawete « -ion ».

AFE :
- diferins prononçaedjes : /kʀi.ˈkjɔ̃/ /kʀœ.ˈkjɔ̃/ /kʀɛ.ˈkjɔ̃/ /kʀi.ˈtjɔ̃/ /kʀi.ˈt͡ʃɔ̃/ /kʀɛ.ˈtjɔ̃/ /kʀɛ.ˈt͡ʃɔ̃/, miersipepieuzmint e l’ notule ALW 8.146 .
- prononçaedje zero-cnoxheu : /kʀi.ˈkjɔ̃/

singulî	pluriyal
crikion	crikions

crikion omrin

(no d’ inseke) pitit inseke, brun u noer, ki tchante a l’ esté ou el tcholeur.
- Li Djåce si sint tote disseulêye
  Les crikions ont fwait do xhilter,
  Li råskignoû cmince a tchanter — Paul Moureau.
- On crikion k’ aveut tchanté tot l’ esté
  Si trova foirt dihessî
  Cwand l’ bijhe el vina hagnî — Charles Duvivier de Streel, ratournant Li copixhe et l' cok d' awousse da Lafontinne (fråze rifondowe).
(mot d’ atôtchance djinti) pitit gamén, pitite gamene.
- Vinoz, mi ptit crikion ; vos åroz ene bouboune.
- Cwè est i k’ ça vos fwait, don, mi aviné crikion, di m’ vey insi tote nowe ? — José Schoovaerts.
(mot d’ rabaxhaedje) pitit ome, pitite biesse.
- Clô t’ gueuye, ti l’ crikion.
- BIETMÉ. - Vs n' avoz nén l' hasse di cour po fé ene keure pareye !
  TÅTÎ. Alez è, ptit crikion, navea pelé troes feyes ! — Édouard Remouchamps, Tåtî l’ Pèriquî, 1884, Ake I, Sinne VII, v. 125-126 (fråze rifondowe).
- Eyet t’-minme, hon, avou t’ pitit crikion d’ Kili ki pixhe pa tos costés et ki va haper les pexhons dins l’ botike da Lemaire. — Ben Genaux.
mwinre, tchaipieus efant, djin foirt maigue.
- Li feme esteut maigue a fé sogne : on vraiy crikion. — Jean-Pierre Dumont.
- El xhalé ravize el bossou,
  On crikion a djambes di fistou,
  Pitieus, avou ene grosse cwårêye tiesse
  Inte ses deus spales come des eriesses. — Georges Willame.

crikion des brouwires : sôre di crikion ki vike divant l’ ouxh.
crikion des måjhones : crikion ki vikéve dins les viyès tchminêyes, u dins les boledjreyes.
- Dispu les grossès aiwes, gn a pus on crikion ni ene noere biesse dins les måjhones. — Léon Bernus.
crikion-pelrin : potcha-pelrin.
crikion d’ potadjî u crikion d’ fornea : viye comere (ki n’ sôrti måy).
tchanter come on crikion dvins on pot å boure : èn nén saveur tchanter.
maigri come on crikion : maigri felmint.
- Si herer e coir des måssîs brouwets ki vs fwait maigri come on crikion … — Jean Lejeune, Po marier Lèyontine, 1928, ake III, sinne VI, p.44 (fråze rifondowe).
matante, gn a vosse crikion ki tchante : si dit plaijhanmint d’ ene feye ki toume amoureuse.

inseke

mot d’ rabaxhaedje

Li mot dins on tite di live, di gazete, di soce, di marke

El Crikion (si scrijheut L’ Créquion): gazete e walon ki rexheut totes les samwinnes e payis d’ Tchålerwè k’ a parexhou di 1904 a 1910.
Li crikion et l' frumijhe: tite d' ene fåve Lafontinne.