cwålité

Walon (Rifondou)

Etimolodjeye

Tayon-bodje latén « qualitas » (minme sinse), avou l’ cawete « -té ».

Prononçaedje

• AFE :
  • diferins prononçaedjes : /kɔː.li.ˈte/ (betchfessî å)
    • (pa rfrancijhaedje) /ka.li.ˈte/
  • prononçaedje zero-cnoxheu : /kwɔː.li.ˈte/
• Ricepeures : cwå·li·té

Sustantif

singulî	pluriyal
cwålité	cwålités

cwålité femrin

1. eshonna di caracteristikes riwaiteyes come måles ou bounes.
   • I n' a nole bele cwålité. — Motî Haust (fråze rifondowe).
   • C' est des laidès cwålités po ene feme ki do cdjåzer les djins et d' boere li peket. — Motî Forir (fråze rifondowe).
2. bon costé d' ene sakî, d' ene sacwè.
   • Dji vou, po m' rezoude a m' maryî
     Ene feme k' åye totes ses cwålités,
     Ki sepe come leye sognî l' coujhene,
     Assåjhner crompires et raecenes,
     Schovter l' poûssire tot wice k' i gn a
     Et rmete a pont mes ptits cantias. — Henri Forir, Blouwett lîgeoiss, Po mamzel Ross R... li joû di s'fiess, 1843, p.19 (fråze rifondowe).
   • Cwand nos djhans "i flaire" e walon, on tuze a del pufkene, dismetant k' e francès, « du flair » sereut puvite ene cwålité. — Émile Sullon (fråze rifondowe).
3. aprindisse, competince.
   • Volant mostrer dadroet
     Mes cwålités d' rôleu,
     A m' feme ki barbotéve sol pavêye,
     Dji l' tcherdja dierinnmint
     Sol passete drî mi … Mins …
     Ele djura « k' on n' l' î åreut k' ene feye ! »
     C' est k' nosse moteur, come on djeu, nondihu,
     Bén lon, foû voye, vina pår a taper djus ! — Camille Gaspard, Camille Gaspard, auteur wallon : vie et œuvre d'un chansonnier wallon au XXᵉ siècle, p. 270, « Dj’a l’ moto ! » (7 di decimbe 1950) (fråze rifondowe).
   • Si on pinse ki nosse fotbale manke sovint d' tecnike, li fotsåle, lu, si djowe so ene pus ptite sitindêye, çou ki dmande des bouwès cwålités tecnikes (M. Deneffe)
4. livea di peurté, d' ahessåvté d' on cayet, d' on materiå.
   • Tchår, sitofe del prumire cwålité. — Motî Forir (fråze rifondowe).
   • Les sclimbes sont metowes dressêyes dins l' for ; li pus foite tcholeur va dner do fier di meyeuse cwålité. — Charles Massaux (fråze rifondowe).
   • Tins d’ guere, dj’ a molou pol ravitaymint, mins ci n’ esteut nén del prumire cwålité. — ramexhné pa Jacky Adam dins ses lives so les moléns d’ l’ Aiwe d’ Oûte (fråze rifondowe).
   • Asteure on rfwait des çanses avou do walon d' pôve cwålité, adon k' des ptits djowions dmanèt ezès ridants — Marcel Slangen (fråze rifondowe).

Ratourneures

1. aveur cwålité : esse otorijhî a.
   • Dji n' a nén cwålité po vs payî.

Mots vijhéns

eshonna di caracteristikes riwaiteyes come måles ou bounes

• abitouwaedje
• afaitixhaedje
• caractere
• dujhance

Contråve

bon costé d' ene sakî, d' ene sacwè

• difåt
• ehin
• måcule

Ortografeyes

Divant 1900 :

• kâlité : E203 ^(lére)

Après 1900, foû rfondou (Feller, Feller ricandjî, nén Feller) :

• cålité : E1
• quålité : E1

E rfondou walon :

• cwålité : R10 ^(lére), R13

Ratournaedjes

eshonna di caracteristikes riwaiteyes come måles ou bounes

• Francès : qualité ^(fr), habitude ^(fr), caractère ^(fr)

bon costé d' ene sakî, d' ene sacwè

• Francès : qualité ^(fr), don ^(fr), avantage ^(fr), vertu ^(fr)

aprindisse, competince

• Francès : expérience ^(fr), compétence ^(fr)

livea di peurté, d' ahessåvté d' on cayet, d' on materiå

• Francès : qualité ^(fr)
• Rûsse : качество ^(ru) =‎ katchestvo