deye

Walon (Rifondou)

Prononçaedje

• AFE :
  • diferins prononçaedjes : /dɛj/
  • prononçaedje zero-cnoxheu : /dɛj/
• Ricepeures : nén rcepåve

Etimolodjeye 1

Disfôrmaedje di « daegn »

Sustantif

singulî	pluriyal
deye	deyes

deye omrin

1. (mot d’ houyeu) meur del voenne di hoye, banc d' rotche la ki l' voenne ripoize.
   • Alez on djoû lyi tni cpagneye,
     Si vs voloz cnoxhe l' ovrî houyeu !
     Vos l' voeroz, wice k' i s' hetche å deye
     Et ki s' pôve sicrene schave å toet ! — Jean Dessard, D'ine cohe so l'aute, 1939, p.73, Dizos lès molètes (1935) (fråze rifondowe).

Sipårdaedje do mot

w. do Levant

Ortografeyes

Après 1900, foû rfondou (Feller, Feller ricandjî, nén Feller) :

• dèye : E1, JDess

E rfondou walon :

• deye : R10 ^(lére)

Ratournaedjes

meur del voenne di hoye, banc d' rotche la ki l' voenne ripoize

• Francès : mur de la couche de houille, banc de roche sur lequel repose la couche (nén ratournåve direk e francès)

Codjowa

deye

1. suddjonctif prezintrece, prumire et troejhinme djins do singulî, do viebe « dire ».
   • Nosse pôve diåle don, k' e-st ecoraedjî,
     È va don håre don hote sayî,
     Do vinde li frut di ses souweurs,
     Et khatchant l' francès tot do long,
     I vante si fråjhûle martchandeye,
     Di poite a poite, tant k' on lyi deye,
     K' i doet s' aler fé pinde pus lon. — Joseph Vrindts, « Pâhûles rîmês » (1897), "Li martchand d’posteûres", p.51 (fråze rifondowe).
   • I fåt k' el prumire pupe k' i fome el rinde malåde, el bouxhe tot djus po k' i s' deye «dj' a volou fé l' ome, mins bintch dji nel frè djamåy pus». — Louis Lagauche (fråze rifondowe).
   • Tins del hantreye, i s' fjhèt tot ptits
     Po k' on lzî deye k' i sont djintis
     Les djonnes omes. — Camille Gaspard (fråze rifondowe).

Ortografeyes

Après 1900, foû rfondou (Feller, Feller ricandjî, nén Feller) :

• dèye : E1