di ç’ tins la

Walon (Rifondou)

Etimolodjeye

Shûte des mots : « di » + « ç’ » + « tins » + « la »

Advierbire

di ç’ tins la

1. sol tins di ç' trevén la, i gn a lontins dvins l' passé.
   • Tchaeke côp k' dji rlouke si portrait, dji sin ene låme
     Mouyî m' påpire et dji m' dis tot côp bon
     A ! Di ç' tins la, nos grands-peres avént d' l' åme
     Nouk ni tronnéve divant l' gueuye do canon. — Louis Lagauche, Amon nos autes, tchansons tchusèyes, (1908-1912), «Divrè-dj’ à m’toûr ?...» p.75 (fråze rifondowe).
   • Di ç' tins la, veyoz vs, c' esteut l' hôte volêye ki s' ocupéve des letes walones. — Joseph Mignolet, "Li walon å payîs di Lîdje" (1938), p.30 (fråze rifondowe).
   • Di ç' tins la, des omes et des comeres alént a pîs e pelrinaedje sol tombe do Criss e l' Palestene. — Émile Pècheur (fråze rifondowe).
   • Di ç' tins la, i dmoréve toplin d' påtes al tere dirî l' soyeu; nén come asteure, avou les grossès machenes, k' i n' dimeure minme pus po rpaxhe on colon ou ene sori — Michèle Verschaffelt (fråze rifondowe).
   • Di ç' tins la, l' maladeye bleuwe, tolmonde pinséve ki l' gamén ni vicreut nén, et po tot fini, il a divnou djonnome, et eterer ses parints. — Jacques Desmet (fråze rifondowe).

Sinonimeye

• dinltins / dvinltins
• enawaire
• nawaire

Ratournaedjes

di ç’ tins la

• Francès : à l’époque ^(fr), en ce temps-là ^(fr), naguère ^(fr), jadis ^(fr)

Addjectivire

di ç’ tins la (come addjectif djondrece, todi metou padrî l’ no)

1. di ci trevén la.
   • Pus tård, li Revolucion Francesse ki fjha piede li tiesse å pus sûti, råya l' bindea ki l' Oficiå aveut loyî so les bokes, ca c' e-st a trûlêye k' on conte les paskeyes di ç’ tins la. — Joseph Mignolet, "Li walon å payîs di Lîdje" (1938), p.27 (fråze rifondowe).

Sinonimeye

• d’ adon
• di dvinltins

Ratournaedjes

di ci trevén la

• Francès : de l’époque ^(fr), de ce temps-là ^(fr), de naguère ^(fr), du temps passé ^(fr)