diferin

Walon (Rifondou)

Etimolodjeye

Tayon-bodje patwès latén « differens » (tot stramant, tot cossemant).

Prononçaedje

• AFE :
  • diferins prononçaedjes : /di.fɛ.ˈʀɛ̃̃/ /di.fɛ.ˈʀã/
  • prononçaedje zero-cnoxheu : /di.fɛ.ˈʀɛ̃/
• Ricepeures : nén rcepåve

Addjectif

	singulî	pluriyal
omrin	diferin	diferins
femrin padrî	diferinne	diferinnes
femrin padvant	diferinne	diferinnès

diferin omrin

1. ki n’ est nén come (ene ôte djin, ene ôte sacwè).
   • Elle est foirt diferinne d' ès fré — Franwal d' Ite, a « diferin » (fråze rifondowe).
   • Leye a foirt bén prezinté, dins s’ walon do costé di Ståvleu, k’ est on pô diferin, mins tolmonde li compurdeut foirt bén. — André Lamborelle, lijhåve so Wikisourd.
   • Leu Boune Novele est diferinne del cene ki nos vos avans ddja pretchî. — Lucyin Mahin, ratournant Sint På.
2. (pluriyal) di totes sôres.
   • Mågré ki, s’ apinse mi, li cir est vude, dji so acomôdante avou les diferinnès rlidjons. — Joselyne Mostenne, lijhåve so Wikisourd.
   • Cisse pådje ci rprind les diferinnès ouves k’ ont l’ minme tite u les diferins eplaidaedjes d’ ene minme ouve. — Fråze d' on modele Wikisourd.

Parintaedje

• diferint (no)
• diferince
• diferinnmint
• diferinnrece

Sinonimeye

tot ôte

Contråve

minme, parey, sifwait

Ortografeyes

Après 1900, foû rfondou (Feller, Feller ricandjî, nén Feller) :

• difèrin, difèrin.ne : C1
• difèrin : C9
• difèrint, difèrinte : E1, FO105
• difèrant, difèrante : S0
• difèrin, difèrêne : E34
• difèrint, difèréne : E21

E rfondou walon :

• diferin : R13
• diferin, diferinne : R15

Ratournaedjes

nén l' minme ki

• Arabe : مختلف ^(ar) = مُخْتَلِف =‎ moukhtalif
• Almand : verschieden ^(de)
• Inglès : different ^(en)
• Espagnol : diferente ^(es)
• Francès : différent ^(fr)
• Neyerlandès : verschillend ^(nl)

di totes sôres

• Inglès : different ^(en), various ^(en)
• Francès : différents ^(fr), divers ^(fr)