djårgon

Walon (Rifondou)

Etimolodjeye

Eprontaedje do francès « jargon » (minme sinse)

Prononçaedje

• AFE :
  • diferins prononçaedjes : /d͡ʒɔ̞ːʀ.ˈɡɔ̃/ /d͡ʒaːʀ.ˈɡɔ̃/ /d͡ʒoːʀ.ˈɡɔ̃/ (betchfessî å)
    • (pa rfrancijhaedje) /d͡ʒaʁ.ˈɡɔ̃/
  • prononçaedje zero-cnoxheu : /d͡ʒɔːʀ.ˈɡɔ̃/
• Ricepeures : djår·gon

Sustantif

singulî	pluriyal
djårgon	djårgons

djårgon omrin

1. motlî comprindåve pår pa sacwants sincieus, pa sacwants omes di mestî.
   • I pårlèt on djårgon ki l' peupe ni såreut comprinde. — Motî Forir (fråze rifondowe).
2. lingaedje målåjheymint comprindåve prôpe a ene troke di djins.
   • Dji n' etind rén a vosse djårgon. — Motî Haust (fråze rifondowe).
   • Si dj' voe on pistagrawe
     K' acourt po fé adawe
     Dj' brai ås ôtes e m' djårgon :
     « Brid, brid, fjhoz atincion » — François Barillié, Li camarad′ dè l'joie, 1852, Li Sans-çouci Lîgeois ou l’Krenkinî d’Lîge, p.103 (fråze rifondowe).
   • Si t’ as comprins k’ e nosse djårgon, les mots sawourèt come do bon pan, ti serès Måmdiyin, mi fi. — Benno Collienne (fråze rifondowe).

Parintaedje

• djårgoneu

Sinonimeye

lingaedje målåjheymint comprindåve

• chamårdaedje
• sprectaedje
• volapuk
• wastate

Mots vijhéns

• diyaleke
• lingaedje
• patwès

Ortografeyes

Divant 1900 :

• jârgon : E203 ^(lére)

Après 1900, foû rfondou (Feller, Feller ricandjî, nén Feller) :

• djårgon : E1, E34
• djaurgon : C9
• djârgon : C8, E21, S0
• djanrgon : E165

Ratournaedjes

motlî comprindåve pår pa sacwants sincieus

• Francès : jargon ^(fr), lexique ^(fr)

lingaedje målåjheymint comprindåve prôpe a ene troke di djins

• Francès : jargon ^(fr), charabia ^(fr), volapuk ^(fr)