djouflete

Li rfondaedje di ç’ mot cial est co so balance. Fåt i scrire « djouflete » u « tchouflete » ?

Walon (Rifondou)

Etimolodjeye

Spotchî aplacaedje di : djawe eyet bouflete (etimolodjeye nén acertinêye). Kécfeye avou l' assaetchance di « tchoufter ».

Prononçaedje

• AFE :
  • diferins prononçaedjes : /d͡ʒuf.ˈlɛt/ /t͡ʃuf.ˈlɛt/
  • prononçaedje zero-cnoxheu : Prononçaedje a radjouter
• Ricepeures : djouf·lete

Sustantif

singulî	pluriyal
djouflete	djoufletes

djouflete femrin (pus sovint eployî å pluriyal)

1. grosse djawe.
   • Kénès djoufletes k' ele a, cisse crapåde la ! — Motî Haust (fråze rifondowe).
   • Pwis motoit, pol rawete, ene coine di paradis,
     Avou ses miyons d' andjes ås roslantès djoufletes,
     Les doûcès årmonreyes k' on-z î etind todi,
     Et ses vôsseures d' airdiès fôrmèt des glorietes. — Martin Lejeune, “ Œuvres lyriques du poète Martin Lejeune” p.144, « Bébé rèy ås andjes » (fråze rifondowe).
   • S' narene våt, dji croe,
     Li cisse da Popôl 2,
     Et-z a t ele des djoufletes
     Si cråsses et k' toumèt,
     K' on ndè freut deus bons mets,
     Sins abimer s' vizaedje. — Jean Bury, Joyeux rèspleus (1899), "Po plaire à Nanèsse" (fråze rifondowe).
   • Tchaeconk si plaijheut a ls inmer,
     A fiesti leus rôzès djoufletes. — Joseph Vrindts, ”Vîx Lîge” (1901), p.83, “Li Vôye di l’Eglise” (fråze rifondowe).
   • Et dji vs promete
     Ki vos djoufletes
     Åront del coleur po deus francs
     So vosse bea vizaedje di vint ans. — Jean Dessard, D'ine cohe so l'aute, 1939, p.118, Li brave Nanète (1910) (fråze rifondowe).

Ratourneures

1. aveur ene tchouflete : aveur ene flucsion al djawe.
2. aveur les tchoufletes : aveur les mofletes.

Parintaedje

• Loukîz a : « bouflete »
• Loukîz a : « djawe »
• Loukîz a : « tchoufter »

Mots vijhéns

• djawe
• djouflote
• tchife

Sipårdaedje do mot

w. do Levant

Ortografeyes

Divant 1900 :

• choufflette : JBur

Après 1900, foû rfondou (Feller, Feller ricandjî, nén Feller) :

• tchouflète : E1 ^(lére)
• tchoufète : MLej, JDess
• djouflète : E1 ^(lére)
• tchouflette : JVri

E rfondou walon :

• djouflete : R10 ^(lére)

Li mot n’ est nén dins : E203, C8

Ratournaedjes

grosse djawe

• Francès : grosse joue ^(fr)

aveur ene tchouflete

• Francès : avoir une fluxion à la joue

aveur les tchoufletes

• Francès : avoir les oreillons ^(fr)