edon surmint

Walon (Rifondou)

Etimolodjeye

Shûte des mots : « edon » + « surmint »

Advierbire

edon surmint

(todi al fén del fråze tot-z arinnant ene sakî) rafoircixhaedje di « edon ».
- Vos magnroz bén ene tåte avou on boket d' froede tchå edon surmint … — Joseph Mignolet, Li vôye qui monte, (1933), p.33 (fråze rifondowe).
avou ene nouwance d' ironeye.
- TÅTÎ (a pårt). - Bén, djel pinséve, so mi åme, co pus sûti k' çoula !
  I gn a nou si laid ouxh ki n' trouve todi s' maca ;
  Mins, s' il a des idêyes tot loucant ene sifwaite djaive,
  Il est co pus k' Mon k' moussive e l' aiwe pol plouve !
  TONTON. - I m' rindreut l' djambe bén fwaite, edon surmint, on sfwait ! — Édouard Remouchamps, Tåtî l’ Pèriquî, 1884, Ake II, sinne I, v. 407-411 (fråze rifondowe).
- Madame MENCHEUR. – Riyoz, riyoz, mi dj’ è so seure ; n’ a-dj’ nén veyou bén sovint, d’ mes deus ouys, des loumrotes ki dansént dzeu si tchminêye ? C’ e-st assez dire, edon surmint ? MELIYE. – C’ est k’ ele tokéve si feu, edon, paret ! — Henri Simon, «Li neûre poye» divins «Quatre comédies liégeoises» da Jean Haust (1936), 1889 (fråze rifondowe).
- Ni vént i nén blaguer m' laide tiesse,
  Mes ouys, mi vinte, mes pîs, mes mwins,
  Lu k' a moens l' cogne d' ene djin k' ene biesse !
  Bén vla on råle, edon surmint ! — Jean Bury, Joyeux rèspleus, (1899), "Bin v’la st-on râre èdon surmint" (fråze rifondowe).
- MAYANE. - Ni m' avoz nén co dit totasteure ki vs avîz on må d' tiesse a toumer la ?
  HOUBERT. - Di cwè ! Vos voloz rire, edon, surmint ? — Jean Lejeune, Po marier Lèyontine, 1928, ake I, sinne XIII, p.15 (fråze rifondowe).
- Di cwè ? Si dj ' aveu l' miyon, dji n' prindreu pus les poennes do taper m' fén bleu el flairante aiwe di Mouze, edon surmint. Tos les pexhons î sont condånés a moirt. — Joseph Mignolet, Milionêre !, (1934), p.3 (fråze rifondowe).

Sipårdaedje do mot

w. do Levant

Ortografeyes

Li mot n’ est nén dins : E1, E203, R10

I gn a cåzu rén dins ci hagnon ci, mins si vos irîz rnaxhî dins des ôtes motîs, et trover l’ mot « edon surmint », riherez ciddé li scrijha do mot ki vos î avoz trové, et l’ rahouca do motî el Djivêye des motîs do walon.

Ratournaedjes

rafoircixhaedje di « edon »

Francès : n’est-ce pas ^(fr), bien sûr ^(fr), évidemment ^(fr), certainement ^(fr)

avou ene nouwance d' ironeye

Francès : bien sûr ^(fr), évidemment ^(fr), c'est ça ^(fr)