esse al tiesse

Walon (Rifondou)

Etimolodjeye

Shûte des mots : « esse » + « al » + « tiesse », lu-minme calcaedje do francès « être à la tête ».

Vierbire

esse al tiesse

1. (v. sins coplemint) esse li mwaisse, li ci k' decide po les cis di dzo.
   • Ricmandans nos å bon roy k' e-st al tiesse,
     Ki n' schoûte ki l' bén et ki passe houte do må ;
     Ossu, tot s' peupe est contin k' i tént s' plaece ;
     Tot wice ki passe, on n' ôt k' braire ki : vivå ! — François Barillié, Li camarad′ dè l'joie, 1852, Li prouve, p.110 (fråze rifondowe).
2. (v. å coplemint nén direk eployî avou li dvancete « di ») esse li djin ki decide dvins ene institucion, ene troke.
   • Po djåzer ås Cozakes, i våt mî k’ soeye el France ki d’ esse al tiesse d’ ene binde k’ endè va-st al dibåne… I frè pawe ås Cozakes. — Joseph Mignolet, Al bèle fontinne, 1924, p.9 (fråze rifondowe).

Sinonimeye

esse li mwaisse, li ci k' decide po les cis di dzo

• diridjî
• kimander
• miner l’ djowe
• ringnî

esse li djin ki decide dvins ene institucion, ene troke

• diridjî
• kimander
• miner al baguete
• ringnî

Ratournaedjes

esse li mwaisse, li ci k' decide po les cis di dzo

• Francès : diriger ^(fr), gouverner ^(fr), régner ^(fr), présider ^(fr), commander ^(fr)

esse li djin ki decide dvins ene institucion, ene troke

• Francès : diriger ^(fr), gouverner ^(fr), présider ^(fr), commander ^(fr)