faxhene

Walon (Rifondou)

Etimolodjeye

Bodje « faxhe », avou l’ cawete « -ene »

Glawene poirtant ene faxhene

Prononçaedje

• AFE :
  • diferins prononçaedjes : /fa.ˈʃɛn/ /fa.ˈhɛn/ /fa.ˈɡɛn/ /fa.ˈʃin/
  • prononçaedje zero-cnoxheu : /fa.ˈʃɛn/
• Ricepeures : fa·xhene

Sustantif

singulî	pluriyal
faxhene	faxhenes

faxhene femrin

1. coxhes loyeyes eshonne avou des håres.
   • Divant ene viye måjhone refoncêye,
     I dmeure la, come on på planté,
     Les bwès ctaeyîs sont d’ on costé,
     Et d’ l’ ôte, les faxhenes riviersêyes. — Joseph Vrindts, « Pâhûles rîmês » (1897), «Li k’tèieu d’bwès», p.95 (fråze rifondowe).
   • Po rmete si gosse sol farene
     I khagne des schaveures di mwaiye,
     Tot racmiytant po ene faxhene. — Jules Claskin, « Airs di flûte et autres poèmes wallons », édition critique de Maurice Piron, 1956, « Terza Rima », 1923, p.42 (fråze rifondowe).
   • BODSON. – I fjheut si froed cial, al pikete do djoû, ki dji tapa ene faxhene so les andîs, afîsse di m’ reschandi li screne. — Joseph Mignolet, « Al Bèle Fontinne », comèdèye di treûs akes, 1924, p.27 (fråze rifondowe).

Ratourneures

1. aveur on bwès foû di s' faxhene u aveur on bwès ki hertcheye foû di s’ faxhene
2. rôler a faxhene: si leyî rôler, come on fagot, so on tiene.

Parintaedje

• faxhner, faxhnaedje, faxhneu, faxhnêye

Sinonimeye

• fa, fagot, veloûte, clepere, hourete

Sipårdaedje do mot

w. do Levant, w. do Mitan

Ortografeyes

Divant 1900 :

• fahenn : E203 ^(lére)
• faxhenne : E212 ^(lére)
• faghenne : E212 ^(lére)

Après 1900, foû rfondou (Feller, Feller ricandjî, nén Feller) :

• fahène : E1, E170
• faguène : E34
• fachène : C1, C8

E rfondou walon :

• faxhene : R10 ^(lére)

Li mot n’ est nén dins : C13, R13

Ratournaedjes

faxhene

• Inglès : bundle ^(en)
• Francès : fagot ^(fr), botte ^(fr)
• Neyerlandès : takkenbos ^(nl) (!!! a-z aveuri)