forsôlé

Walon (Rifondou)

Pårticipe erirece

	singulî	pluriyal
omrin	forsôlé	forsôlés
femrin	forsôlêye	forsôlêyes

forsôlé omrin

1. pårticipe erirece omrin do viebe del prumire troke: «(si) forsôler»
   • Elle a stî forsôlêye å cognak.

Addjectif

	singulî	pluriyal
omrin	forsôlé	forsôlés
femrin padrî	forsôlêye	forsôlêyes
femrin padvant	forsôlêye	forsôlêyès

forsôlé omrin

1. k' a magnî pus ki s' sô.
   • Cwand l' waermaye vole, li pexhon n' hagnrè nén l' londmwin, pask' il est forsôlé. — Motî d’ Djivet (fråze rifondowe).
   • Vosse tchivå pite, sine låtchî, so l' båtcheye. Il est bén trop forsôlé. Trop d' avoenne et trop pô d' gorea. Vola çou k' i n a. — Joseph Lahaye (fråze rifondowe).
2. k' a bevou trop di gote.
   • Dji n' veyeu k' ouxhs di fier, bawetes, sordjoûs, ferous. Asteure, po ene houbonde, dji so-st on råskignoû Ki s' cour potche e s' djavea, poy k' il est franc moxhon, Forsôlé des hinêyes des rôzes et des clawsons (ratourné pa L. Mahin)
   • E l' åvrûle do bouxhnaedje, li rguedé xhuflaedje d' ene siprewe salowe li forsôlé prétins. — Henri Bragard (fråze rifondowe).

Sinonimeye

• (k' a trop magnî) : plin a make, guedé, epanslé

Ortografeyes

Divant 1900 :

• foèrsaulé : JBur
• forsôlé : FrBa

Après 1900, foû rfondou (Feller, Feller ricandjî, nén Feller) :

• fwèrsôlé : GGhy

Ratournaedjes

k' a trop magnî

• Arabe marokin : شبع ^(ary) =‎ chb3
• Francès : repu ^(fr), rassasié ^(fr)

k' a trop bevou

• Arabe marokin : سكران ^(ary) =‎ skran
• Francès : enivré ^(fr)

plin d' foice et ki n' sét nén s' mwaistri

• Francès : forcené ^(fr), taré ^(fr), excité ^(fr)

Sustantif

forsôlé omrin

1. onk k' a trop bevou.
   • Al shijhe, li cåbartî rapoite
     On frok rapîçté tot rossea
     Ås hantches cinglé d' ene longue blanke coide
     Les forsôlés, tot påjhûlmint,
     Dressèt l' sôlêye edoirmowe. — Ep. Martial, Bultén del Societé d' Lidje, Bulletin de 1858, ‘’Li savtî des recoletes’’, 69-73 (fråze rifondowe).
2. plin d' foice et ki n' sait nén s' mwaistri.
   • Li mierkidi, l' djoû des cindes,
     C' est l' djoû d' tos les forsôlés,
     Mins gn a pus d' potches vudes ki plinnes,
     On n' sait pus ké plan taper. — François Barillié, Li carnaval, divins Li camarad′ dè l'joie, 1852, p.3 (fråze rifondowe).
   • I d’ha ås-ôtes sôdårds : « Urie c’èst-st-on fwèrsôlé, ‘l-inme bin di s’bate vèyez-ve lu. Vos l’ lêrez fé èt cwand i sèrè bin ènondé, vos v’rissètch’rez a spèheûr èt vos l’lêrez tot seû. » — Georges Ghys.
   • Tot å bea mitan del pavêye,
     Deus randaxhes ki fjhént l’ forsôlé,
     S’ apougnèt d’ on côp pal colé,
     Istwere di s’ diner ene sitronnêye. — Joseph Vrindts, Pâhûles rîmês, (1897), «Les randahes», p.118 (fråze rifondowe).
   • Cwand c' est k' i m' veyît toumêye
     Tos ces forsôlés,
     Åtoû d' mi k' esteut påmêye
     Vinît tourniker
     Et danser come çoula. — Jean Bury, Joyeux rèspleus, (1899), "Zim lon laire" (fråze rifondowe).
   • Les set feyes do cåbaret des catoize fesses acorît foû del coû po loukî l' forsôlé ki minéve l' araedje insi tot-z intrant. — Marcel Hicter (fråze rifondowe).

Sinonimeye

• sôlêye

Ratournaedjes

onk k' a trop bevou

• Arabe marokin : سكران ^(ary) =‎ skran
• Francès : ivrogne ^(fr)

sot plin d' exhowe

• Francès : forcené ^(fr), excité ^(fr), brute ^(fr)