gargouye

Walon (Rifondou)

Etimolodjeye

Calcaedje do francès « gargouille » (sinse di grosse buze po miner les aiwes evoye), çou ki dene on mot mot-brut « garg » (brut d' avalaedje) avou l’ cawete « -ouye »; on resplike li mot francès a pårti d' on bodje latén vinant do grek (avou l' minme mot-brut), li deujhinme boket estant « gueuye ».

Prononçaedje

AFE :
- diferins prononçaedjes : /ɡaʀ.ˈɡuj/ /ɡaːʀ.ˈɡuj/ (minme prononçaedje cåzu pattavå)
- prononçaedje zero-cnoxheu : /ɡaʀ.ˈɡuj/ (minme prononçaedje pattavå)
Ricepeures : gar·gouye

Sustantif

singulî	pluriyal
gargouye	gargouyes

gargouye femrin

(mot des voyes et tchmins) passaedje d' ene aiwe dizo ene voye, davance fwaite avou des grossès pires, et asteure avou ene buze.
- C' esteut tot djusse come si ene foice li ratneut li long di ci aiwe la, ki coreut so les doyes des ôneas et rdjibler so les pires, divant d' moussî dvins l' gargouye del Falwache — Lucyin Mahin (fråze rifondowe et rarindjeye).
- Dji m’ vleu bagnî dirî l’ gargouye
  Dins nosse pré, al coete des ôneas. — Lucyin Mahin, lijhåve so Wikisourd.
- On distournéve l’ aiwe å raeze del gargouye k’ est so les prés del Falwache. Did la, on-z aveut basti deus bîs d’ raiwaedje, di tchaeke costé do mwaisse ri. {{s|LM|lijhåve so Wikisourd
(brut) brut d' l' aiwe ki passe dins ene buze.
(pus stroetmint) (mot d’ medcén) brut d' respiraedje pal boke rimpleye di raetchon (aprume a ene djin a l' agoneye).
- Gusse est bén evike; il a d' l' aiwe plin l' boke et i fwait des gargouyes; on lzî creye: « Houmez l' aiwe foû del boke ! ». — Émile Pècheur (fråze rifondowe).

gargouye dizo ene voye

Parintaedje

Mots vijhéns

adujhoe

Ratournaedjes

grosse buze po ene aiwe passer dizo ene voye.

Francès : aqueduc ^(fr), conduit ^(fr), gargouille ^(fr)

brut d' l' aiwe dins ene buze

Francès : gargouillement ^(fr)

respiraedje d' morant

Francès : râle ^(fr)