hazård

Walon (Rifondou)

Etimolodjeye

Bodje « الزهر » (al-zahr) ‎(« djeu di dés »), pal voye di l' espagnol « azar » et do vî francès « hazart ».

Prononçaedje

• AFE :
  • diferins prononçaedjes : /a.ˈzaːʀ/ /ha.ˈzɑ̃ːr/ /ha.ˈzɔːʀ/ (H prumrece) (betchfessî å, halcrosse rîlêye)
  • prononçaedje zero-cnoxheu : /ha.ˈzɔːʀ/
• Ricepeures : ha·zård

Sustantif

singulî	pluriyal
hazård	hazårds

hazård omrin

1. atuza ki arindjreut li monde d' ene téle manire et k' on n' sait saveur davance.
   • A pårti ki l' måleur vis segne,
     Li doet do hazård nos acsegne
     Et tchaesconk nos trouve on måfwait. — Joseph Vrindts, Pâhûles rîmês, (1897), "Li boquet d'wastai", p.14 (fråze rifondowe).
   • Vinoz cial a hopeas,
     Mes oûs sont tos noveas.
     Riskez ene pitite pîce ;
     Si l' hazård l' adierceye,
     Vos magnroz po vs rinde del foice. — Jean Dessard, D'ine cohe so l'aute, 1939, p.132, Treûs-oûs po ‘ne pèce ! (1906) (fråze rifondowe).
   • -Ci n' est nén di m' fåte, c' est l' hazård ki m' a metou cial
     - Hazård, biscûte ! T' as-st on mononke k' est senateur a Rome !— Paul-Henri Thomsin, Astérix amon lès Bèljes, 2022, p. 11 (fråze rifondowe).
2. (mot d’ djeu) çou ki fwait k' on wangne ou k' on piede et k' on n' pout nén sepi.
3. adjondaedje di deus circonstances k' on n' ratindeut waire.

Ratourneures

1. å hazård di
2. a tot hazård
3. hazård hazote
4. li hazård c’ est l’ patron des sots
5. par hazård

Parintaedje

• hazårder
• hazårdeus
• hazårdeuzmint
• ahazårdêymint

Mots d’ aplacaedje

• côp di hazård
• djeu di hazård
• målureus hazård

Sinonimeye

atuza k' arindjreut li monde d' ene téle manire et k' on n' sait saveur davance

• destinêye
• planete

çou ki fwait k' on wangne ou k' on piede et k' on n' pout nén sepi

• tchance

adjondaedje di deus circonstances k' on n' ratindeut waire

• astcheyance
• atoumance

Ortografeyes

Divant 1900 :

• hazâr : E203 ^(lére)

Après 1900, foû rfondou (Feller, Feller ricandjî, nén Feller) :

• azâr : O4
• azârd : O3, S17
• azar : C8
• hasanrd : E165
• asârd : C1, C13, O0
• hazård : E1 ^(lére)

E rfondou walon :

• hazård : R10 ^(lére)

Ratournaedjes

atuza k' arindjreut li monde d' ene téle manire et k' on n' sait saveur davance

• Francès : hasard ^(fr), destinée ^(fr), fortune ^(fr), fatalité ^(fr)

çou ki fwait k' on wangne ou k' on piede et k' on n' pout nén sepi

• Francès : hasard ^(fr), chance ^(fr)

adjondaedje di deus circonstances k' on n' ratindeut waire

• Francès : hasard ^(fr), coïncidence ^(fr), concours de circonstances ^(fr)