kipagneye

Walon (Rifondou)

Alofômes di k(i)- / co-
Plinne cogne Lidje-Årdene (betchete sipotchåve)	Cogne Nameur-Tchålerwè (betchete nén spotchåve)	Sipotcheye cogne Lidje-Årdene
kipagneye	copagneye	cpagneye

Sustantif

singulî	pluriyal
kipagneye	kipagneyes

kipagneye femrin

kimére k' on-z est maryî avou leye ou k' on vike avou leye foû mariaedje.
- Ene camaeråde m’ a dit : « candje di cpagneye ».
  Mins la k’ dj’ arawe: çoula, dji nel frè nén — Camille Gaspard (fråze rifondowe).
- Li Grand Mwaisse louca tot d’ èn air contin et derit :
  « Coronans nost ovraedje pa on ptit paradis
  Å monde i fåt ene rinne, a l’ åme ene kipagneye.
  Dji m’ lyi va fordiner totes les gråces a pougnêye ». — Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
ome k' on-z est maryî avou.
- N' estans ns nén ritches assez po leyî prinde a nosse feye li cpagneye k' ele vout? — Joseph Mignolet, Li vôye qui monte, (1933), p.10 (fråze rifondowe).
kimére k' on danse avou leye.
- Ramassez vosse kipagneye avou vosse bresse åtoû, vaila;
  (…) Et c' est dos e dos cwand vos vs rescontrez, c' est al mwin gåtche å cwén;
  Rivnoz et s' porminer vosse kipagneye — Yvan Dreize, cåzaedje e walon po miner ene cwårêye danse (fråze rifondowe).
djin k' est sovint avou vos.
- Cpagneye di tos les djoûs di s’ veye,
  La ses efants rtrovèt todi,
  Doûcès rmostrances et bons conseys
  K’ ele nos evoye do paradis. — Martin Lejeune, Œuvres lyriques du poète wallon Martin Lejeune, p.184, « Lu lîve du mèsse dèl grand-mêre » (fråze rifondowe).
- Ene kipagneye, ça distchedje li cour — Albert Maquet (fråze rifondowe).
totes les djins ki sont la.
- Salut, li cpagneye.
- "Ni vla nén ene assoteye?"
  Dijha èn ome del kipagneye. — Ep. Martial, Bultén del Societé d' Lidje, Bulletin de 1858, ‘’Li savtî des recoletes’’, 69-73 (fråze rifondowe).
- Dismetant ki dj' l' a po cpagneye,
  Dj' a l' dada di tos mes sohaits,
  Ca dji vs pou dire ki dj' so sogneye
  Fén pareye ki les ptits oujheas. — Jean Bury, Joyeux rèspleus, (1899), "Mi p’tit bouname" (fråze rifondowe).
- Et come s’ il esteut d’ fier, i mostréve ses deus pougns
  A l’ ewaerant disdut k’ espawtéve li cpagneye. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Si feume », p.66-67 (fråze rifondowe).
- HOUBERT. - Vos, ki n' ricwirt ki li cpagneye des avocåts, des farmacyins, des professeurs ! po vosse feye !
  MAYANE (côpant). - Po m' feye, awè … et tinoz, vos m' drovoz l' boke, la dsu, vos m' aminez tot djustumint wice ki dj' endè voleu vni. — Jean Lejeune, Po marier Lèyontine, 1928, ake I, sinne XIII, p.14 (fråze rifondowe).
(mot d’ militaire) erîlêye trope di sôdårds.
- A dijh eures kipagneye pa cpagneye, ploton pa ploton nos avans discrotchî — Louis Sohy (fråze rifondowe).