laxhet

Walon (Rifondou)

Etimolodjeye

Do viebe « laxhî », avou l’ cawete « -et ».

Prononçaedje

• AFE :
  • diferins prononçaedjes : /la.ˈhɛ/
  • prononçaedje zero-cnoxheu : /la.ˈʃɛ/
• Ricepeures : la·xhet

Sustantif

singulî	pluriyal
laxhet	laxhets

laxhet omrin

1. (mot d’ houyeu) djoû k' on n' overe waire.
   • Li prumî londi d' awousse, c' est djoû d' laxhet. — Motî Haust (fråze rifondowe).
   • C' est djoû d' laxhet, personne n' overe. — Motî Haust (fråze rifondowe).
   • Dijhoz ene priyire a Sinte Båre vosse patrone,
     Vos k' a si bon do fiesti l' djoû d' laxhet,
     Et dmandez lyi d' woeyî si l' coide est boune,
     Tot vs dinant l' gråce d' aler fé vosse cayet. — Jean Dessard, D'ine cohe so l'aute, 1939, p.71, On-z-atèle li hèrna (1935) (fråze rifondowe).
2. (pus stroetmint) esprès po rclamer des droets.

   Ene fråze d’ egzimpe est co a radjouter.

Ratourneures

1. fé laxhet : ni nén ovrer .
   • Al Sint Linå et al Sinte Båre on fwait laxhet, c' est fiesse po les houyeus."

Sinonimeye

djoû k' on n' overe nén

• condjî

djoû k' on n' overe nén esprès po rclamer ene sacwè

• greve

Sipårdaedje do mot

w. do Levant

Ortografeyes

Après 1900, foû rfondou (Feller, Feller ricandjî, nén Feller) :

• lahèt : E1, JDess
• ahèt : E1

E rfondou walon :

• laxhet : R10 ^(lére)

Ratournaedjes

djoû k' on n' overe waire

• Francès : congé ^(fr)

djoû k' on n' overe waire po rclamer ene sacwè

• Francès : grève ^(fr)