mierseu

Walon (Rifondou)

Etimolodjeye

Aplacaedje di : «mier» (adviebe) + «seu» (addjectif).

Prononçaedje

• AFE :
  • diferins prononçaedjes : /mjɛʀ.ˈsøː/ /mjɛːʀ.ˈsøː/ /meʀ.ˈsøː/
  • prononçaedje zero-cnoxheu : /mjɛʀ.ˈsøː/
• Ricepeures : mier·seu

Addjectif

	singulî	pluriyal
omrin	mierseu	mierseus
femrin padrî	mierseule	mierseules
femrin padvant	mierseule	mierseulès

mierseu omrin (come addjectif djondrece, metou padvant u padrî l’ no)

1. ki n' a nolu po viker u djåzer avou lu.
   • Inte les cwate meurs, dji vike mierseu— Martin Lejeune, Bultén del Societé d' Lidje, "Lu pauve ome èt l’amoûr", tome 43, p. 140 (fråze rifondowe).
   • Djåme est ene miete tot seu; ene miete foû des bruts; mierseu — Émile Gilliard (fråze rifondowe).
   • A poenne la, rouf, vo l' la ki t' rapice li botaye di Sinzano et ki s' vude on vere ki n' va nén dmorer foirt lontins mierseu dins s' rondowe botike: Carpe Diem ! — José Schoovaerts (fråze rifondowe).
   • Dji so tot mierseu drola sol Tere ås Spenes et dji cache après ene sakî po m' tini cpagneye: deus gades, c' est waire ! — Josée Mathot (fråze rifondowe)..
   • Nåjhi, i n' s' a nén rlevé et dmorer so plaece po tchanter, mierseu, "Li vî blanc tchvå", "Djîle Copiche", "Evoye po l' Amerike" — José Schoovaerts (fråze rifondowe).
   • Pèneûs, mièrseû, èt dji n’ètind
     Qui l’ bîje qui chufèle à l’ûréye. — André Henin.
   • El brune rimpli l' coujhene; l' estouve saetche et flameye
     Tins k' l' ome puplote, påjhire, rapetaxhant, mierseu,
     Ses ans yet des razans, ses espwers, ses freyeus,
     Les beas, les laids moumints di tote si vicåreye. — Henri Van Cutsem, "Clairs di lune" p. 49 (fråze rifondowe).
   • Vos m’ diroz k’ dj’ a bén del babeye,
     Po on moirt ki vént briber si intrêye
     Mins, ådjourdou, vo m’ la, miernou, mierseu ǃ
     C’ est seur adlé vos qui dj’ serè co l’ meyeu ǃ — Jacques Desmet, Homo sapiens, 2011, p.57, L’ôte, avou s’ grande faus, mwaisse modele so Wikisourd vaici (fråze rifondowe).
     (Léjhou pa l' oteur, fevrî 2026)

Ratourneures

si mete fén mierseu d' djouweu (mot del fotbale) én nén leyî èn ôte djouweu dilé lu, po k' on vs passe li bale. F. se démarquer.

Parintaedje

• mierseulisté
• mierseulreye

Sinonimeye

sins nolu po-z esse avou lu

• fén seu
• tot seu
• disseulé

Sipårdaedje do mot

w. do Levant, w. do Mitan, w. do Coûtchant

Ortografeyes

Après 1900, foû rfondou (Feller, Feller ricandjî, nén Feller) :

• miérseû, miérseûle : E1 ^(lére), E170
• mér seû, mér seûle : O4
• miêrseû, miêrseûle : E1 ^(lére), E170
• mwêrt-seû : E34
• mérseu, mérseûle : C8
• miér seû, miér seûle : O4
• mièrseû, mièrseûle : E1 ^(lére), E170

E rfondou walon :

• mierseu : R13
• mierseu, mierseule : R10 ^(lére)

Ratournaedjes

ki n' a nouk a håbiter

• Francès : esseulé ^(fr), isolé ^(fr) (socialement), solitaire ^(fr)