miner l’ araedje

Walon (Rifondou)

Etimolodjeye

Shûte des mots : « miner » + « l’ » + « araedje »

Vierbire

miner l’ araedje (v. sins coplemint)

1. fé on disdut di tos les diåles et mostrer k' on-z est måcontin.
   • Houte di çoula, pol moende tchitcheye,
     Ele moenne l' araedje tote li djournêye:
     Sol tins k' ele gueuye, k' ele grogne, k' ele brait,
     Ele lait broûler l' djote et l' laecea. — Henri Forir, Satire en vers, 1836 (fråze rifondowe).
   • Dji n' oize pinser l' araedje ki dj' a miné. Dj' a stou danser, dj' a stou valser,
     Dj' a stou l' polca et l' mazurca. — François Barillié, Li camarad′ dè l'joie, Li carnaval, 1852, p.4-5 (fråze rifondowe).
   • Cloyoz vosse betch! Vs n' estoz å monde ki po miner l’ araedje ! — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Ti n' årès måy del linwe disk' al fén do voyaedje.
     Rihape bén vite ti tchike, et n' moenne nén tant d' araedje. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.34 (fråze rifondowe).
     
   • Cisse feme la piede li tiesse, comandant ! Ele a miné l' araedje tote nute ! Nos vs dimandans del fé eminer ôte pårt, savoz, sins cwè nos alans tourner a noerès biesses !— Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 37 (fråze rifondowe).

Sipårdaedje do mot

w. do Levant

Ratournaedjes

fé on disdut di tos les diåles et mostrer k' on-z est måcontin

• Francès : rager ^(fr), vociférer ^(fr), faire tout un bazar